کوئٹہ: بلوچستان میں بلوچ باغیوں اور پاکستانی فوج کے درمیان کشیدگی مسلسل برقرار ہے۔ اسی دوران مقامی میڈیا نے اطلاع دی ہے کہ بلوچ باغیوں کے ساتھ خونریز جھڑپ کے چند دن بعد پاکستانی سکیورٹی فورسز ٹینکوں اور بکتر بند گاڑیوں کے ساتھ بلوچستان کے نوشکی علاقے میں داخل ہو گئیں اور سکیورٹی مزید سخت کر دی گئی ہے۔ پاکستانی حکام نے جاری آپریشن کے پیشِ نظر پورے شہر میں کرفیو نافذ کر دیا ہے اور دکانیں بند رکھنے کے ساتھ ساتھ شہریوں کو گھروں کے اندر رہنے کی ہدایت دی گئی ہے۔
بشیر زیب بلوچ کے گھر کو مکمل طور پر کیا گیا تباہ
دی بلوچستان پوسٹ نے مقامی ذرائع کے حوالے سے بتایا کہ نوشکی میں جاری کرفیو اور سکیورٹی آپریشن کے دوران پاکستانی فورسز نے بلوچ لبریشن آرمی (بی ایل اے) کے لیڈر بشیر زیب بلوچ کے آبائی گھر کو مسمار کر دیا۔ یہ کارروائی احمد وال کے علاقے میں کی گئی، جہاں پاکستانی فورسز نے نوشکی کے مختلف حصوں میں بڑے پیمانے پر سکیورٹی آپریشن کے دوران دھماکہ خیز مواد کا استعمال کرتے ہوئے بشیر زیب بلوچ کے گھر کو مکمل طور پر تباہ کر دیا۔
بی ایل اے نے چھ دن تک شہر پر کنٹرول بنائے رکھا
یہ پیش رفت 31 جنوری کو بی ایل اے کے آپریشن ہیروف کے دوسرے مرحلے کے آغاز کے بعد سامنے آئی۔ اس آپریشن کے دوران بی ایل اے نے نوشکی سمیت دیگر علاقوں پر قبضے کا دعویٰ کیا تھا۔ بی ایل اے نے اعلان کیا تھا کہ آپریشن کے خاتمے کا اعلان کرنے سے قبل اس نے چھ دن تک شہر پر اپنا کنٹرول برقرار رکھا۔
بلوچ عوام پر ٹینکوں اور ڈرونز سے ہو رہے حملے
ادھر بلوچ انسانی حقوق کے محافظ میر یار بلوچ نے منگل کے روز سوشل میڈیا پلیٹ فارم ایکس پر ایک ویڈیو شیئر کی، جس میں پاکستانی ٹینک کو علاقے میں داخل ہوتے دکھایا گیا۔ انہوں نے الزام لگایا کہ پاکستانی فوج نوشکی کے احمد وال علاقے میں بلوچ عوام پر ٹینکوں، ڈرونز، فضائی حملوں اور بھاری توپ خانے کے ذریعے حملے کر رہی ہے اور گاؤں کو تباہ کیا جا رہا ہے۔
لوگوں کے خلاف ہو رہے ہیں اجتماعی سزا کے اقدامات
میر یار بلوچ نے ایکس پر لکھا، “دہشت اور اجتماعی سزا کے یہ اقدامات ان لوگوں کے خلاف کیے جا رہے ہیں جنہوں نے پاکستان کے غیر قانونی قبضے کو مکمل طور پر مسترد کر دیا ہے۔ بلوچ سرزمین پر ایسے جرائم کبھی برداشت نہیں کیے جائیں گے۔”
Breaking News,
Once again Pakistan’s external occupational forces unleashed tanks, in the streets of the Republic of Balochistan.10 February 2026
The occupying forces of Pakistan have unleashed tanks, drones, air strikes, and heavy artillery against the Baloch population,… pic.twitter.com/B2PwQIHx6A
— Mir Yar Baloch (@miryar_baloch) February 9, 2026
انہوں نے کہا، “پاکستان نے خود کو ایک دہشت گرد ریاست کے طور پر بے نقاب کر دیا ہے، جس نے بلوچستان میں اپنی شناخت، حقوق اور کنٹرول مکمل طور پر کھو دیا ہے۔ سیاسی، اخلاقی اور عسکری شکست تسلیم کرنے کے بجائے قابض افواج بے بسی میں وحشیانہ طاقت کا استعمال کر رہی ہیں۔ تاریخ گواہ ہے کہ ظالمانہ طاقت کبھی پاکستان کو ذلت سے نہیں بچا سکی اور اب بھی نہیں بچا پائے گی۔”
میر یار نے1971 کی بنگلہ دیش لبریشن وار کا دیا حوالہ
1971 کی بنگلہ دیش لبریشن وار کا حوالہ دیتے ہوئے انسانی حقوق کے کارکن نے الزام لگایا کہ تقریباً 30 لاکھ بنگلہ دیشی، جن میں خواتین، بچے اور عام شہری شامل تھے، قتل کیے گئے، اس کے باوجود پاکستانی فوج نے بغیر کسی پچھتاوے کے اپنے مظالم جاری رکھے۔
انہوں نے مزید کہا کہ پاکستان نے ہتھیار اس وقت ڈالے جب بھارتی فوج کی مداخلت کے بعد اس کے فوجیوں کو بھاری نقصان اٹھانا پڑا۔ میر یار بلوچ نے دعویٰ کیا کہ بلوچستان میں بھی یہی طرزِ عمل دہرایا جا رہا ہے اور الزام لگایا کہ پاکستانی فوج ڈرون حملوں، فضائی بمباری اور ٹینکوں کی گولہ باری کے ذریعے بلوچ شہریوں کو نشانہ بنا رہی ہے۔
حملوں کی شدید مذمت کرتے ہوئے انہوں نے کہا، “کوئی ٹینک، کوئی جنگی طیارہ، کوئی ڈرون اور کوئی بھاری توپ خانہ 60 ملین بلوچ عوام کے عزم کو توڑ نہیں سکتا۔ قبضہ ناکام ہوگا، مزاحمت جاری رہے گی، آزادی ضروری ہے۔”
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
