پاکستان کے سابق وزیر اعظم عمران خان۔ (فائل فوٹو)
پاکستان کی انسداد دہشت گردی کی عدالت سے سابق وزیراعظم عمران خان کوبڑا جھٹکا لگا ہے۔ پاکستان تحریک انصاف پارٹی کے 75 رہنماؤں اورکارکنوں کو9 مئی 2023 کے فسادات سے متعلق مقدمات میں سزائیں سنائی گئی ہیں۔ ایک عدالتی اہلکارنے پی ٹی آئی-بھاشا کو بتایا، “فیصل آباد کی انسداد دہشت گردی کی عدالت (اے ٹی سی) نے پاکستان مسلم لیگ نواز(پی ایم ایل-این) پنجاب کے صدر رانا ثناء اللہ کے گھرپرحملے کے کیس میں پاکستان تحریک انصاف پارٹی کے 59 لیڈران اورکارکنان کو 10، 10 سال اوردیگر 16 کوتین-تین سال قید کی سزا سنائی۔ کیس میں 109 ملزمان تھے جن میں سے 75 کو عدالت نے سزا سنائی ہے۔
اہم شخصیات کوسنائی گئی سزا
سزا پانے والے اہم افراد میں قومی اسمبلی میں سابق قائد حزب اختلاف عمر ایوب، سینیٹ میں سابق قائد حزب اختلاف شبلی فراز، سابق اراکین پارلیمنٹ زرتاج گل احمد چٹھا، اشرف خان سوہنا اورشیخ راشد شفیق (سابق وزیر داخلہ شیخ رشید کے بھتیجے) اورکنول شجاعب شامل ہیں۔ اس سے قبل فیصل آباد میں آئی ایس آئی کی عمارت پرحملے کے الزام میں بھی ان رہنماؤں کو 10-10 سال قید کی سزا سنائی گئی تھی۔ دونوں مقدمات میں ان کی سزائیں ایک ساتھ چلیں گی۔
پی ٹی آئی نے کی مذمت
عہدیدار نے بتایا کہ سابق وزیر اطلاعات فواد چوہدری اور سابق وزیر خارجہ شاہ محمود قریشی کے صاحبزادے زین قریشی کو کیس میں بری کر دیا گیا ہے۔ عمران خان کے حامیوں نے 9 مئی 2023 کو ان کی گرفتاری کے خلاف پرتشدد مظاہرے کیے تھے اور کئی فوجی اور سرکاری عمارتوں میں توڑ پھوڑ کی تھی۔ تشدد کے زیادہ تر واقعات پنجاب اور خیبرپختونخوا صوبوں میں پیش آئے۔ پی ٹی آئی نے فیصلے کی شدید مذمت کرتے ہوئے کہا کہ یہ فیصلہ جعلی مقدمات اور جعلی گواہوں پر مبنی ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
