وزیراعظم نریندر مودی نے کویت کے شیخ سعد العبداللہ انڈور اسپورٹس کمپلیکس میں ایک خصوصی پروگرام ’ہالا مودی‘ میں کویت میں مقیم بھارتی برادری کے ایک بڑے مجمع سے خطاب کیا۔ کویت میں کمیونٹی کے مختلف طبقوں کی نمائندگی کرنے والے بھارتی شہریوں نے اس تقریب میں شرکت کی۔کمیونٹی نے غیر معمولی گرم جوشی اور جوش و خروش کے ساتھ وزیر اعظم کا استقبال کیا۔ تقریب سے خطاب کرتے ہوئے وزیر اعظم نے کہا کہ بھارت اور کویت کے تعلقات کو بھارتی برادری نے بہت زیادہ مالا مال کیا ہے جو دونوں ممالک کے درمیان تعلقات کو فروغ دینے میں اہم کردار ادا کرتا ہے۔ انھوں نے کویت کے امیر کا شکریہ ادا کرتے ہوئے کہا کہ 43 سال بعد کسی بھارتی وزیر اعظم نے کویت کا دورہ کیا ہے، تاکہ صدیوں پرانی دوستی کو مضبوط اور مستحکم کیا جاسکے۔
وزیر اعظم نے کویت کی ترقی میں کمیونٹی کی سخت محنت، کامیابی اور کردار کو سراہتے ہوئے کہا کہ مقامی حکومت اور معاشرے کے ذریعے اسے بڑے پیمانے پر تسلیم کیا گیا ہے۔ انھوں نے بھارتی برادری کی بہبود کے لیے کویت کی قیادت کا شکریہ ادا کیا۔ کویت اور خلیج کے دیگر حصوں میں بھارتی کارکنوں کی مدد کرنے کے لیے بھارت کے مضبوط عزم کی عکاسی کرتے ہوئے انھوں نے حکومت کے ذریعہ کیے گئے ٹکنالوجی پر مبنی اقدامات جیسے ای-مائیگرٹ پورٹل کے بارے میں بات کی۔
وزیر اعظم نے دنیا کے دوست وشو بندھو کے طور پر بھارت کے نقطہ نظر کا خاکہ پیش کیا۔ انھوں نے خاص طور پر ٹکنالوجی ، بنیادی ڈھانچے اور پائیداری کے شعبوں میں بھارت کی تیز رفتار ترقی اور تبدیلی پر تفصیل سے روشنی ڈالی۔ انھوں نے کہا کہ دنیا کی پانچویں سب سے بڑی معیشت ہونے کے علاوہ ، بھارت فن ٹیک میں عالمی رہنما ہے ، اسٹارٹ اپ کی جگہ میں تیسرا سب سے بڑا عالمی کھلاڑی ہے اور دنیا بھر میں سب سے زیادہ ڈیجیٹل طور پر منسلک معاشروں میں سے ایک ہے۔
پی ایم مودی نے مالی شمولیت، خواتین کی زیر قیادت ترقی اور شمولی ترقی جیسی کامیابیوں کو اجاگر کیا۔ انھوں نے دونوں ممالک کی وکست بھارت اور نیو کویت کی مشترکہ امنگوں پر روشنی ڈالتے ہوئے اس بات پر زور دیا کہ بھارت اور کویت کے لیے مل کر کام کرنے کے وسیع مواقع موجود ہیں۔ بھارت کی ہنرمندی کی صلاحیت اور جدت طرازی دونوں ممالک کے درمیان نئی شراکت داری کو فروغ دے سکتی ہے۔وزیراعظم نے تارکین وطن کو جنوری 2025 میں بھارت میں منعقد ہونے والے پرواسی بھارتیہ دِوس اور مہا کمبھ میں شرکت کی دعوت دی۔
بھارت ایکسپریس۔
