کویت کے جنوبی منگاف میں ایک عمارت میں آگ لگ گئی۔ اس واقعہ میں 41 سے زائد افراد ہلاک ہوگئے تھے جبکہ 30 افراد زخمی بتائے جا رہے ہیں۔ آگ میں ہلاک ہونے والوں میں 40 ہندوستانی بھی شامل ہیں، جن کا تعلق کیرلا سے بتایا جاتا ہے۔ کویتی میڈیا کے مطابق، آگ بدھ کی صبح لگی۔ کویت کی وزارت صحت کی جانب سے جاری کردہ بیان کے مطابق، تمام زخمیوں کوعلاج کے لئے قریبی اسپتالوں میں لے جایا گیا ہے۔ وزارت نے کہا کہ طبی ٹیمیں زخمیوں کومناسب علاج فراہم کرنے کی پوری کوشش کررہی ہیں۔
وزیرخارجہ ایس جے شنکرنے ایکس (سابقہ میں ٹوئٹر) پراس حادثہ پرپوسٹ کیا ہے۔ انہوں نے لکھا کہ آتشزدگی کے واقعہ کی خبرسے انہیں شدید صدمہ پہنچا ہے۔ 41 سے زیادہ اموات ہوچکی ہیں اور50 سے زیادہ اسپتال میں داخل ہیں۔ ہمارے سفیر(ایمبیسڈر) کیمپ میں گئے ہیں۔ ہم مزید معلومات کا انتظارکررہے ہیں۔ انہوں نے مزید لکھا کہ اپنی جانیں گنوانے والوں کے اہل خانہ سے گہری تعزیت۔ میں زخمیوں کی جلد اور مکمل صحت یابی کی دعا کرتا ہوں۔
#Kuwait Mangaf Fire: Initial causes indicate poor storage on the ground floor and the presence of many gas cylinders, Firefighters, MOI and MOH to assess the deaths and injuries.. #الكويت pic.twitter.com/LNCpkhZdae
— Ayman Mat News (@AymanMatNews) June 12, 2024
عمارت میں رہتے ہیں مزدورطبقے کے لوگ
رپورٹ کے مطابق، آگ بدھ کی صبح 4:30 بجے ایک لیبرکیمپ کے کچن میں لگی۔ کچھ لوگوں کی موت آگ دیکھ کراپارٹمنٹ سے باہر کودنے کے بعد ہوئی ہے، جبکہ دیگرجلنے اوردھوئیں میں سانس لینے کی وجہ سے ہوئی ہے۔ ایک رپورٹ کے مطابق، عمارت میں تقریباً 160 مزدوررہتے ہں۔ اس کی ملکیت ملیالی تاجرکے جی ابراہم کی ہے۔ گرچہ آگ پرقابوپالیا گیا ہے، لیکن ابھی بھی کچھ لوگوں کے اندر پھنسے ہونے کی اطلاعات ہیں۔
بھارت ایکسپریس۔
