اسرائیل کی اہم انٹیلی جنس ایجنسی موساد کونیا سربراہ ملنے والا ہے۔ اسرائیلی وزیراعظم بنجامن نیتن یاہونے اتوار(12 اپریل) کومیجرجنرل رومن گوف مین (Roman Gofman) کی موساد کے اگلے سربراہ کے طورپرتقرری کی منظوری دی۔ تاہم گوف مین کی تقرری نے اسرائیل کے اندرمخالفت کوجنم دیا ہے۔ اطلاعات کے مطابق، رومن گوف مین 2 جون کوموساد کے موجودہ سربراہ ڈیوڈ بارنیا کی جگہ لیں گے۔ برنیا کی پانچ سالہ مدت ختم ہورہی ہے۔ چنانچہ بنجامن نیتن یاہونے گوف مین کوچیف مقررکرنے کا فیصلہ کیا ہے۔ گوف مین اب ملک کی اہم ترین انٹیلی جنس ایجنسی کی کمان سنبھالیں گے۔
نیتن یاہونے رومن گوف مین کی تعریف کی
رومن گوف مین کی تقرری کے سرکاری اعلان کے بعد، بنجامن نیتن یاہونے ان کی تعریف کی۔ انہوں نے ان کوایک بہادر، تخلیقی اورغیرمعمولی افسرکے طورپربیان کیا۔ نیتن یاہونے کہا، “وہ (گوف مین) ایک دلیر، تخلیقی اوربہترین افسرہیں، جنہوں نے پوری جنگ کے دوران اپنی صلاحیتوں کوباکس سے باہرسوچنے اورمتاثرکن وسائل کا مظاہرہ کیا ہے۔” انہوں نے موساد کے سربراہ کے طورپراپنے نئے کردارمیں گوف مین کی کامیابی کی خواہش کی اور اس اعتماد کا اظہارکیا کہ وہ اسرائیل کی سلامتی میں اہم کردارادا کریں گے۔
לאחר שאושר על ידי ועדת גרוניס, חתמתי הערב על מינויו של האלוף רומן גופמן לתפקיד ראש המוסד הבא.
האלוף גופמן משמש בשנתיים האחרונות כמזכירי הצבאי. מדובר בקצין מצטיין, נועז ויצירתי, שהפגין לאורך המלחמה ראייה מחוץ לקופסה ותחבולנות מרשימה.
אני מאחל הצלחה רבה לאלוף גופמן בתפקידו הבא… pic.twitter.com/Ie1xQreZ7N
— Benjamin Netanyahu – בנימין נתניהו (@netanyahu) April 12, 2026
فوجی سربراہ کی حمایت
دریں اثناء اسرائیلی فوج (آئی ڈی ایف) کے چیف آف اسٹاف ایال ضمیرنے بھی رومن گوف مین کے انتخاب کی حمایت کی اوران کی تعریف کی۔ انہوں نے کہا، “مجھے یقین ہے کہ گوف مین کا ایک ممتازفوجی کیریئررہا ہے اوروہ ہرلحاظ سے اس عہدے کے لئے ایک اہل شخص ہیں۔” ایال ضمیرنے یہاں تک کہا کہ اگرگوف مین کویہ ذمہ داری نہیں ملی تووہ ان کی جگہ آئی ڈی ایف کے چیف آف اسٹاف کے عہدے پرفائزہوسکتے تھے۔
موجودہ چیف ڈیوڈ بارنیا نے کی مخالفت
دوسری جانب گوف مین کی تقرری نے اسرائیل کے اندرمخالفت کوجنم دیا ہے۔ موساد کے موجودہ سربراہ ڈیوڈ بارنیا نے رومن گوف مین کی تقرری پراعتراض ظاہرکیا ہے۔ انہوں نے گوف مین پراپنی طاقت کا غلط استعمال کرنے کا الزام لگایا ہے۔ انہوں نے واضح طورپرکہا کہ گوف مین ایک ایسا شخص ہے، جواپنی طاقت کا غلط استعمال کرتا ہے۔
اوری ایلماکیس نے بھی اٹھائے سوال
اس دوران اوری ایلماکیس نے رومن گوف مین کی تقرری کوخطرناک قراردیتے ہوئے اسے منسوخ کرنے کا مطالبہ کیا۔ انہوں نے کہا، “سینئراپائنٹمنٹ کمیٹی کی طرف سے رومن گوف مین کی تقرری کی منظوری کا فیصلہ مضحکہ خیزہے۔” انہوں نے مزید کہا، “رومن گوف مین کی تقرری موساد اوراسرائیل کی سلامتی کے لئے ایک حقیقی خطرہ ہے۔ میں یہیں نہیں رکوں گا، میں گوف مین کی تقرری کومنسوخ کرنے کے لئے لڑوں گا۔” اس طرح سے رومن گوف مین کی تقرری کی زبردست مخالفت ہورہی ہے اوربڑے پیمانے پراس فیصلے کے خلاف آواز تیز ہوسکتی ہے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
