UK High Commissioner to Pakistan Visit PoK: ہندوستانی حکومت نے برطانوی ہائی کمشنر جین میریٹ کے پاک مقبوضہ کشمیر دورہ پر برہمی کا اظہار کیا ہے۔ برطانوی ہائی کمشنر کے اس دورے کو مرکزی وزارت داخلہ نے قابل اعتراض قرار دیا ہے۔ اس سلسلے میں ہندوستان کی وزارت خارجہ کی طرف سے ایک سرکاری اعلامیہ بھی جاری کیا گیا ہے۔
وزارت خارجہ کی جانب سے جاری بیان میں کہا گیا ہے کہ ہندوستانی کی خودمختاری اور علاقائی سالمیت کی اس طرح کی خلاف ورزی مکمل طور پر ناقابل قبول ہے۔ سیکرٹری خارجہ نے اس معاملے پر ہندوستان میں برطانوی ہائی کمشنر سے شدید احتجاج بھی کرایا ہے۔
Salaam from Mirpur, the heart of the UK and Pakistan’s people to people ties! 70% of British Pakistani roots are from Mirpur, making our work together crucial for diaspora interests. Thank you for your hospitality! pic.twitter.com/3LyNFQan9H
— Jane Marriott (@JaneMarriottUK) January 10, 2024
سکریٹری خارجہ کے مطابق جموں و کشمیر اور لداخ کے مرکز کے زیر انتظام علاقے ہندوستان کا اٹوٹ حصہ ہیں اور رہیں گے۔
میرپور ٹور کی تصاویر شیئر کیں۔
پاکستان میں برطانیہ کی ہائی کمشنر جین میریٹ نے 10 جنوری کو ‘ایکس’ پوسٹ پر میرپور کے دورے کی متعدد تصاویر شیئر کی تھیں۔ انہوں نے کہا تھا، ’’میرپور سے سلام، برطانیہ اور پاکستان کے عوام کے درمیان تعلقات کا دل! 70 فیصد برطانوی پاکستانیوں کا تعلق اصل میں میرپور سے ہے، لہٰذا ہم سب کے لیے یہ ضروری ہے کہ ہم تارکین وطن کے مفادات کے لیے مل کر کام کریں۔ آپ کی مہمان نوازی کے لئے شکریہ!”
پاکستان کی سیاسی جماعتوں سے بھی ملاقات کی۔
جین میریٹ نے اس سے قبل 8 جنوری کو بھی ایک پوسٹ شیئر کی تھی۔ انہوں نے لکھا تھا کہ ’ابھی میں کراچی، لاہور اور اسلام آباد میں تمام اہم سیاسی جماعتوں سے ملاقات کر رہی ہوں۔ بنیادی معاشی اصلاحات کو جاری رکھنا ضروری ہے۔ 8 فروری کو ہونے والے آئندہ عام انتخابات پاکستان کے مستقبل کے لیے اہم ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
