ایران کے جنوبی علاقے میں ایک خوفناک بس حادثہ پیش آیا ہے۔ یہاں ایک بس الٹنے سے کم ازکم 21 افراد ہلاک ہوگئے ہیں۔ سرکاری میڈیا نے ہفتہ کے روز یہ خبردی۔ فارس صوبے کی ایمرجنسی یونٹ کے سربراہ مسعود عابد نے بتایا کہ صوبائی دارالحکومت شیرازکے جنوب میں پیش آنے والے اس حادثے میں 34 دیگرافراد زخمی بھی ہوئے۔ مسعود عابد نے کہا کہ ریسکیوآپریشن جاری ہے۔ انہوں نے کہا کہ آپریشن کی تکمیل اورتفصیلی تحقیقات کے بعد اضافی معلومات اورحتمی اعداد وشمارکا اعلان کیا جائے گا۔ افسرنے بتایا کہ یہ واقعہ صبح 11:05 پر پیش آیا اورامدادی ٹیمیں فوری طورپرجائے حادثہ پرپہنچ گئیں۔ انہوں نے کہا کہ حادثے کی وجوہات کی تحقیقات کی جا رہی ہیں۔
مہلوکین کی تعداد میں ہوسکتا ہے اضافہ
فارس صوبے کے ایمرجنسی آرگنائزیشن کے سربراہ مسعود عابد نے بتایا کہ حادثہ صبح 11:05 پر پیش آیا۔ اطلاع ملتے ہی راحت اوربچاؤ ٹیم نے فوراً موقع پرپہنچ کربچاؤ کا کام شروع کیا۔ انہوں نے کہا کہ ریسکیوآپریشن ابھی بھی جاری ہے اورتمام زخمیوں کوقریبی اسپتالوں میں داخل کرایا گیا ہے۔ بعض کی حالت تشویشناک بتائی جاتی ہے۔
خاندان کے کئی افراد منانے جا رہے تھے چھٹیاں
مسعود عابد کا مزید کہنا تھا کہ حادثے کی اصل وجہ کا پتہ لگایا جا رہا ہے اورتحقیقات مکمل ہونے کے بعد تفصیلی معلومات اورحتمی اعداد وشمار جاری کیے جائیں گے۔ ابتدائی معلومات کے مطابق بس انٹرسٹی ٹرپ پرتھی اورزیادہ ترمسافرخاندان کے افراد تھے اورچھٹیاں منانے جا رہے تھے۔ مقامی عینی شاہدین کے مطابق، بس ایک موڑپرتیزرفتاری سے کنٹرول کھوکرالٹ گئی۔ ساتھ ہی کچھ رپورٹس میں تکنیکی خرابی کا بھی شبہ ظاہرکیا جا رہا ہے۔ تاہم ابھی تک سرکاری طورپرکسی خاص وجہ کی تصدیق نہیں کی گئی ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
