![](https://urdu.bharatexpress.com/wp-content/uploads/2024/08/دفسدف.webp)
پاکستان میں موسلا دھار بارش
اسلام آباد: پاکستان کے نیشنل ڈیزاسٹر مینجمنٹ اتھارٹی (این ڈی ایم اے) نے منگل کے کہا کہ پاکستان میں گزشتہ 24 گھنٹوں کے دوران مانسون سے متعلقہ واقعات میں 20 افراد ہلاک ہوئے ہیں۔ اب تک مرنے والوں کی تعداد 215 تک پہنچ گئی ہے۔
زخمی ہونے والوں کی تعداد 405 ہوئی
این ڈی ایم اے نے ایک رپورٹ میں کہا کہ گزشتہ 24 گھنٹوں کے دوران بارش کے باعث ہونے والے حادثات اور سیلاب کی وجہ سے مجموعی طور پر 43 افراد زخمی ہوئے ہیں۔ جولائی میں شروع ہونے والے مانسون سیزن میں زخمی ہونے والوں کی تعداد 405 تک پہنچ گئی ہے۔
مرنے والوں میں 108 بچے اور 32 خواتین شامل
ژنہوا نیوز ایجنسی نے رپورٹ کیا کہ مرنے والوں میں 108 بچے اور 32 خواتین شامل ہیں۔ مشرقی پنجاب صوبہ 86 اموات کے ساتھ سب سے زیادہ متاثر رہا۔ اس کے بعد شمال مغربی خیبرپختونخوا کے علاقے اور جنوبی صوبہ سندھ میں 65 اور 37 اموات ہوئیں۔
صوبہ بلوچستان میں 18 افراد ہوئے ہلاک
رپورٹ میں کہا گیا ہے کہ جنوب مغربی صوبہ بلوچستان میں 18 افراد ہلاک ہوئے۔ اس دوران، پاکستان کے زیر انتظام کشمیر میں پانچ افراد اور شمالی گلگت بلتستان کے علاقے میں مانسون سے متعلقہ واقعات میں چار افراد ہلاک ہوئے۔ این ڈی ایم اے کا یہ بھی کہنا تھا کہ ملک میں مانسون کے موسم میں 448 مویشی ہلاک ہوئے جب کہ 2575 مکانات اور 31 پلوں کو نقصان پہنچا۔
ستمبر تک رہتا ہے پاکستان میں مانسون کا سیزن
رپورٹ کے مطابق ملک میں دریائے کابل، دریائے سندھ اور جہلم کے کیچمنٹ علاقوں میں آئندہ 48 گھنٹوں کے دوران درمیانی شدت کے ساتھ موسلادھار بارش ہوسکتی ہے۔ حکومت نے طبی خدمات اور راحت کے لیے کل 86 کیمپ لگائے ہیں۔ ان کیمپوں میں اب تک 4,102 افراد نے امداد حاصل کی ہے۔ پاکستان میں مانسون کا سیزن ستمبر تک رہتا ہے۔
بھارت ایکسپریس۔