![](https://urdu.bharatexpress.com/wp-content/uploads/2023/02/Elon-Musk-Richest.jpg)
ایلون مسک پھر بنے دنیا کے سب سے امیر شخص
Elon Musk Richest: ارب پتی ایلون مسک ایک بار پھر دنیا کے سب سے امیر شخص بن گئے ہیں۔ بلوم برگ کے لگاتار اپ ڈیٹ ہونے والے ارب پتی انڈیکس کے مطابق ۱۸۷ ارب ڈالر کے ساتھ ایلون مسک نے ایک بار پھر ارب پتیوں کی فہرست میں پہلا مقام حاصل کرلیا ہے۔ انہوں نے گزشتہ سال ہی امیروں کی لسٹ میں پہلے مقام پر پہچنے والے فرانسیسی لگزری برانڈ لوئس فائنانس کے سی ای او برانارڈ ارنالٹ کو پیچھے چھوڑدیا ہے۔
کتنی ہوئی ایلون مسک کی جائداد
تازہ ترین اعدادوشمار کے مطابق ایلون مسک کی کل دولت 187.1 بلین ڈالر ہے۔ اس کے ساتھ ہی برنارڈ ارنولٹ کے اثاثوں کا تخمینہ 185.3 بلین ڈالر لگایا گیا ہے۔
مسک دوبارہ نمبر 1 تک کیسے پہنچے؟
ایلون مسک جو کہ پچھلے سال امیروں کی فہرست میں دوسرے نمبر پر آ گئے تھے، ان کی دولت میں 2023 میں زبردست اضافہ دیکھنے میں آیا ہے۔ اس کی بڑی وجہ ان کی آٹو کمپنی ٹیسلا کے شیئرز میں اضافہ ہے۔ اس سال ٹیسلا کے اسٹاک میں 90 فیصد اضافہ ریکارڈ کیا گیا۔ اس کی وجہ سے ایلون مسک نے 2023 میں ہی اپنی دولت میں 36 فیصد یعنی 50 ارب ڈالر کا اضافہ کیا۔ قابل ذکر بات یہ ہے کہ دسمبر کے آخر تک مسک کے اثاثے 137 ارب ڈالر تک پہنچ چکے تھے۔ اس دوران وہ اپنی دولت میں 200 بلین ڈالر کا نقصان کرنے والے پہلے شخص بن گئے۔
ٹویٹر کی خریداری کے بعد نیٹ ورتھ میں کمی واقع ہوئی
اکتوبر میں ٹویٹرکے 44 بلین ڈالرکے حصول کے صرف ایک ہفتہ بعد، کمپنی کی آمدنی میں تیزی سے کمی واقع ہوئی، جس کا الزام ایلون مسک نے مشتہرین پر دباؤ ڈالنے والے کارکن گروپوں پر لگایا۔ رپورٹ میں کہا گیا کہ اس کے بعد ہی مسک نے کمپنی میں آدھے سے زیادہ ملازمین کو کم کر دیا اور مائیکروبلاگنگ سائٹ پر بلیو سبسکرپشن سروس شروع کر دی۔ یہی نہیں کمپنی کے سان فرانسسکو ہیڈ کوارٹر سے یادگاری اشیاء بھی نیلام کی گئیں۔
-بھارت ایکسپریس