Bharat Express DD Free Dish
Bharat Express DD Free Dish
  1. Home » بین الاقوامی » Earthquake hits 5 countries: پاکستان اور تاجکستان سمیت 5 ممالک میں آیا زلزلہ، ٹونگا میں زلزلہ کی شدت 6.5 درج کی گئی

Earthquake hits 5 countries: پاکستان اور تاجکستان سمیت 5 ممالک میں آیا زلزلہ، ٹونگا میں زلزلہ کی شدت 6.5 درج کی گئی

جموں و کشمیر میں بھی زلزلہ محسوس کیا گیا اور لوگ خوف و دہشت میں گھروں سے باہر نکل گئے۔ لداخ میں کچھ مقامات پر زلزلے کے تیز جھٹکے محسوس کیے گئے، ریختر پیمانے پر اس کی شدت 5.2 بتائی گئی ہے۔

ہفتے کے روز صبح سے لے کر دوپہر کے درمیان پاکستان اور تاجکستان سمیت کم از کم 5 ممالک میں زلزلہ کے جھٹکے محسوس کیے گئے۔ ریکٹر اسکیل پر ان زلزلوں کی شدت 4 سے لے کر 6.5 تک درج کی گئی ہے۔ سب سے تیز جھٹکا ٹونگا میں محسوس کیا گیا جہاں شدت 6.5 تھی۔ ہندوستان کے جموں و کشمیر میں بھی زلزلہ آیا جس نے لوگوں کو خوف و دہشت میں ڈال دیا۔ لوگ گھروں سے باہر نکل گئے اور کسی انہونی کی فکر میں کافی دیر تک باہر ہی کھڑے رہے۔ راجوری اور پونچھ میں بیشتر لوگ گھروں سے نکل کر خالی مقامات پر پہنچ گئے تھے، حالانکہ کسی جانی و مالی نقصان کی اطلاع ابھی موصول نہیں ہوئی ہے۔ لداخ میں کچھ مقامات پر زلزلہ کے جھٹکے تیز تھے۔ یہاں ریکٹر اسکیل پر زلزلہ کی شدت 5.2 بتائی گئی ہے۔

پاکستان میں زلزلہ کی شدت 5.3 درج کی گئی ہے۔ اس زلزلہ سے کئی علاقوں میں افرا تفری پھیل گئی۔ زلزلہ کے جھٹکے محسوس ہوتے ہی لوگ تیزی سے گھروں کے باہر نکلے۔ کچھ علاقوں میں تو لوگ چیختے ہوئے کھلے میدانوں کی طرف بھاگتے نظر آئے۔ پاکستان کے شمال مغربی علاقے میں زلزلہ کا اثر زیادہ تھا، لیکن یہاں سے بھی کسی جانی نقصان کی خبر سامنے نہیں آئی ہے۔ تاجکستان میں ریکٹر اسکیل پر زلزلہ کی شدت 4.2 بتائی جا رہی ہے۔ یہاں زلزلہ زمین سے 110 کلومیٹر کی گہرائی میں آیا تھا۔

آج سب سے زیادہ تیز زلزلہ ٹونگا میں آیا جہاں کی شدت 6.5 کے قریب بتائی گئی ہے۔ پاپوا نیوگنی کے نیو آئرلینڈ علاقہ کے ساحل پر بھی 6.2 شدت کا زلزلہ درج کیا گیا ہے۔ امریکی جغرافیائی سائنس سروے (یو ایس جی ایس) کے مطابق یہ جھٹکا کوکوپو سے 115 کلومیٹر دور سمندر میں 72 کلومیٹر کی گہرائی پر محسوس ہوا۔ ان دونوں ہی ممالک میں زلزلہ کے بعد خوف کا ماحول ہے۔ کسی نقصان کی اطلاع تو نہیں ملی ہے، لیکن اندیشہ ظاہر کیا جا رہا ہے کہ آفٹر شاکس کا سامنا کرنا پڑ سکتا ہے۔

بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔

Also Read

تازہ ترین خبریں