امریکی صدر ڈونلڈ ٹرمپ نے برکس کے رکن ممالک کو خبردار کیا ہے۔ انہوں نے کہا کہ وہ کسی بھی ایسی پالیسی کی حمایت کرنے والے ممالک پر اضافی محصولات عائد کریں گے جو امریکہ مخالف ہو گی۔ ان کے مطابق برکس کے رکن ممالک پر امریکہ کی مخالفت پر دس فیصد اضافی ٹیرف عائد کیا جائے گا۔ ٹرمپ کا یہ بیان برکس 2025 سربراہی اجلاس میں ایران پر امریکہ اور اسرائیل کے حملوں کی مذمت کے بعد سامنے آیا ہے۔برازیل میں منعقدہ برکس 2025 سربراہی اجلاس میں 10 رکن ممالک برازیل، چین، مصر، ایتھوپیا، بھارت، انڈونیشیا، ایران، روسی فیڈریشن، جنوبی افریقہ، متحدہ عرب امارات نے ایرانی جوہری اور فوجی تنصیبات پر امریکی اسرائیل حملوں کی مذمت کی اور ان حملوں کو غیر قانونی قرار دیا۔ اس کے علاوہ برازیل سمٹ میں بھارتی وزیراعظم نریندر مودی نے عالمی جنوب میں حملوں کے معاملے میں دہشت گردی کے حوالے سے دوہرے معیار کو بے نقاب کیا۔
برکس ممالک کے مشترکہ اعلامیہ میں پہلگام حملے کا ذکر
برکس ممالک کے مشترکہ اعلامیہ میں جموں و کشمیر میں پہلگام حملے کی مذمت کی گئی، برکس ممالک نے دہشت گردوں کی سرحد پار نقل و حرکت، دہشت گردی کی مالی معاونت اور محفوظ پناہ گاہوں سے نمٹنے پر زور دیا۔ بیان میں کہا گیاکہ ہم دہشت گردی کے خلاف زیرو ٹالرنس کو یقینی بنانے اور دہشت گردی سے نمٹنے میں دوہرے معیار کو مسترد کرنے پر زور دیتے ہیں۔اس کے علاوہ مشترکہ اعلامیے میں امریکہ کا نام لیے بغیر ٹیرف میں اندھا دھند اضافے پر تنقید کی گئی اور کہا گیا کہ اس طرح کے اقدامات سے عالمی تجارت کے کمزور ہونے اور عالمی سپلائی چین میں خلل پڑنے کا خطرہ ہے۔ یاد رہے کہ امریکہ پہلے ہی چین اور بھارت پر بھاری محصولات عائد کرنے کا اعلان کر چکا ہے۔
بھارت ایکسپرس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
