بلوچ یکجہتی کمیٹی (BYC) نے بلوچستان کے کوہلو میں پاکستانی حکومت کی خطرناک کارروائیوں کی مذمت کرتے ہوئے کہا کہ پاکستانی فوج اور قانون نافذ کرنے والے ادارے بچوں کے غیرقانونی اغوا، حراست اور ان پر تشدد میں ملوث ہیں۔ کمیٹی نے کہا ہے کہ یہ زیادتیاں کوئٹہ میں پرامن مظاہرین پر تشدد کے خلاف احتجاج کے بعد ہورہی ہیں۔ وہ احتجاج ماہ رنگ بلوچ اور بلوچ یکجہتی کمیٹی (BYC) کے دیگر اراکین کی غیر قانونی گرفتاری کے بعد ہوا تھا۔
سوشل میڈیا پلیٹ فارم ’ایکس‘ پر ایک پوسٹ میں بلوچ یکجہتی کمیٹی نے کہا ’’احتجاج کے بعد لیویز فورس نے ایک نوجوان عبداللہ بلوچ کو غیر قانونی طور پر اغوا کیا اور اسے شدید تشدد کا نشانہ بنایا جس سے اس کی موت ہو گئی۔ موت سے قبل جب اسے ہسپتال لے جایا جا رہا تھا تب عبداللہ نے مجرموں کا نام لیا- لیویز سپاہیوں نے ڈپٹی کمشنر کوہلو سے براہ راست حکم لیا، اس کے بعد اہل خانہ نے عبداللہ کی لاش اٹھا کر ایف آئی آر کے خلاف احتجاجی دھرنا دیا۔ تاہم انتظامیہ نے ان کی درخواست کو نظر انداز کر دیا اور مذاکرات میں شامل ہونے سے انکار کر دیا۔‘‘
بیس سے زیادہ نابالغ بچوں کو اغوا کیا گیا
بی وائی سی نے مزید کہا کہ اگلے دن علاقے کے بچے یکجہتی کے طور پر سڑکوں پر نکل آئے اور ماہ رنگ بلوچ اور دیگر کی رہائی کا مطالبہ کیا۔ اس احتجاج کے دوران بچوں نے فرنٹیئر کور (ایف سی) کیمپ کے سامنے ایک فوجی مجسمے کی بے حرمتی کی۔ اس کے بعد ایف سی نے پورے علاقے میں چھاپے مارے اور 20 سے زیادہ نابالغوں کو اغوا اور تشدد کا نشانہ بنایا، جن میں سے کچھ کی عمریں 10 سے 12 سال تک تھیں۔ بچوں کو بعد میں چھوڑ دیا گیا لیکن ساتھ ہی انھیں خاموش رہنے اور ایسا نہ کرنے کی صورت میں وحشیانہ سلوک کے لیے تیار رہنے کی دھمکی دی گئی ہے۔
بلوچ یکجہتی کمیٹی نے انسانی حقوق کی بین الاقوامی تنظیموں، کارکنوں اور صحافیوں سے مطالبہ کیا ہے کہ وہ ان سنگین خلاف ورزیوں کے بارے میں فوری ایکشن لیں ۔بین الاقوامی انسانی قانون کے تحت، بچوں، خواتین، بوڑھوں اور معذور افراد کو غیر جنگجو تصور کیا جاتا ہے اور جنگ کے دوران بھی انھیں نشانہ بنانا ممنوع ہے۔ حکومت کے جبر کے باوجود بلوچستان میں بچے بھی انصاف اور آزادی کے لیے جدوجہد میں مصروف ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
