ہندوستان کی خارجہ پالیسی اورعالمی سطح پر بڑھتے قد کا اثرہرجگہ صاف نظرآرہا ہے۔ جس کی تازہ مثال اس وقت سامنے آئی جب بلغاریہ کے صدرنے ہندوستان کے وزیراعظم نریندر مودی اورہندوستانی بحریہ کا شکریہ ادا کیا۔
اغوا جہاز کو ہندوستانی بحریہ نے چھڑایا
دراصل، ہندوستانی بحریہ نے 40 گھنٹے کی تلاش کے بعد ہائی جیک شپ ایم وی رواین سے بلغاریہ کے سات شہریوں کو محفوظ بچا لیا۔ اس شپ کو سمندری لٹیروں نے اپنے قبضے میں لے رکھا تھا، جسے لٹیروں کے قبضے سے چھڑانے کے لئے ہندوستانی بحریہ کے جوانوں نے آپریشن چلاکراس مشن کو کامیابی کے ساتھ انجام دیا۔ ہندوستانی بحریہ نے جہاز پرسوار پائلٹ ٹیم سمیت 7 بلغاریائی شہریوں کو سمندری لٹیروں کے قبضے سے محفوظ آزاد کرالیا۔
My sincere gratitude to PM @narendramodi for the brave action of 🇮🇳Navy rescuing the hijacked Bulgarian ship “Ruen” and its crew, including 7 Bulgarian citizens.
— President.bg (@PresidentOfBg) March 18, 2024
بلغاریہ کے صدر نے وزیراعظم مودی کا ادا کیا شکریہ
بلغاریہ کے صدر نے سوشل میڈیا پلیٹ فارم ایکس پرایک پوسٹ کے ذریعہ پی ایم مودی اورہندوستانی بحریہ کے سپاہیوں کا شکریہ ادا کیا۔ بلغاریہ کے صدر نے اپنے پوسٹ میں لکھا کہ میں ہندوستان کے وزیر اعظم نریندر مودی اور ہندوستانی بحریہ کا سمندر میں ہائی جیک ہونے والے بلغاریائی جہازروین اوراس کے عملے بشمول 7 بلغاریائی شہریوں کو بچانے کے لئے تہہ دل سے شکریہ ادا کرتا ہوں۔
بھارت ایکسپریس۔
