امریکہ کے الاسکا اور کینیڈا کی سرحد کے قریب ہفتے کے روز 7.0 شدت کا طاقتور زلزلہ آیا، جس نے دونوں ممالک کے دور دور تک آباد علاقوں میں رہنے والوں کو ہلا کر رکھ دیا۔ امریکی جیولوجیکل سروے کے مطابق زلزلے کا مرکز الاسکا کی دارالحکومت جونو سے تقریباً 370 کلومیٹر شمال مغرب اور کینیڈا کے شہر وائٹ ہارس سے تقریباً 250 کلومیٹر مغرب میں تھا۔ جھٹکے اتنے شدید تھے کہ ہزاروں کلومیٹر دور موجود لوگوں نے بھی زمین کو لرزتے ہوئے محسوس کیا۔خوش قسمتی سے نہ کسی بڑے جانی یا مالی نقصان کی اطلاع ہے اور نہ ہی سونامی کی کوئی وارننگ جاری کی گئی۔ حکام نے بتایا کہ متاثرہ علاقے زیادہ تر پہاڑی اور کم آبادی والے ہیں، جہاں صرف گھروں کی دیواروں اور شیلف سے سامان گرنے جیسے معمولی واقعات رپورٹ ہوئے ہیں۔
BREAKING 🚨: Craziest thing is that this M7.0 Alaska earthquake ruptured AT THE SAME TIME as the high-vibe light flux from the 8.1 M-class solar flare hit the Earth, and Alaska was on the daylight side! pic.twitter.com/A5wqUkyJEl
— All day Astronomy (@forallcurious) December 6, 2025
کینیڈا کے وائٹ ہارس میں رائل کینیڈین ماؤنٹڈ پولیس کی افسر کیلِستا میکلاؤڈ کے مطابق زلزلے کے فوراً بعد ایمرجنسی کالز ملنی شروع ہوگئیں۔ انہوں نے بتایا کہ “جھٹکے بہت تیز محسوس ہوئے، سوشل میڈیا پر بھی لوگ بڑی تعداد میں بتا رہے ہیں کہ ان کے گھر ہل گئے۔” نیچرل ریسورسز کینیڈا کی سسما لوجسٹ الیسن برڈ کا کہنا ہے کہ زلزلے سے سب سے زیادہ متاثرہ علاقہ پہاڑی اور کم آبادی والا ہے، جہاں اب تک کوئی ساختی نقصان سامنے نہیں آیا۔
Alaska and Canada are still shaking extensively after the M7.0 Hubbard Glacier Earthquake, with 80+ aftershocks in the eight hours following the main event. Nearby residents even to Anchorage are reporting constant jolts and subtle ground vibrations from the huge energy release pic.twitter.com/e9y21U1K4R
— Stefan Burns (@StefanBurnsGeo) December 7, 2025
کینیڈا میں کہاں محسوس ہوئے جھٹکے؟
زلزلے کے مرکز کے سب سے قریب کینیڈا کا شہر ہینز جنکشن بتایا گیا ہے، جو تقریباً 130 کلومیٹر دور ہے اور جہاں 2022 کی مردم شماری کے مطابق تقریباً 1,000 افراد رہتے ہیں۔ امریکہ کا شہر یاکوٹات، جس کی آبادی 662 ہے، مرکز سے صرف 90 کلومیٹر دور واقع ہے، اسی وجہ سے دونوں مقامات پر لوگ خوفزدہ ہوگئے۔ زلزلے کی گہرائی تقریباً 10 کلومیٹر بتائی گئی، یعنی زمین کی سطح کے بہت قریب، جس سے جھٹکے زیادہ شدت سے محسوس کیے گئے۔ اس کے بعد بھی کئی آفٹر شاکس آئے، جس سے لوگوں میں خوف برقرار ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
