امریکہ میں ڈیری فارم میں خوفناک آگ سے 18 ہزار گائیں ہلاک
Texas dairy farm: امریکہ میں ایک ڈیری فارم میں آگ لگنے سے خوفناک دھماکہ ہوا ۔ میڈیا رپورٹس کے مطابق واشنگٹن ڈی سی میں قائم اینیمل ویلفیئر انسٹی ٹیوٹ کی جانب سے بھی 18 ہزار گائیں کے ہلاک ہونے کی تصدیق کی گئی ہے ۔ اتنی بڑی تعداد میں گایوں کی موت کی وجہ سے وہاں کھلبلی مچ گئی ہے۔ اس کے ساتھ ہی اب دھماکے سے متعلق تصاویر سوشل میڈیا پر وائرل ہو گئی ہیں۔
JUST IN: 18,000 cows are now dead due to an explosion in Dimmitt, Texas.
Honest question: How does a dairy farm have an explosion so large that it kills 18,000 cows?pic.twitter.com/cQ66IYH3la
— Collin Rugg (@CollinRugg) April 12, 2023
خبر رساں ادارے روئٹرز کی رپورٹ کے مطابق یہ واقعہ ٹیکساس صوبے کے ایک فیملی ڈیری فارم ساؤتھ فورک ڈیری فارم میں پیش آیا ،جہاں منگل کو زبردست آگ بھڑک اٹھی۔ اور دھماکے کی وجہ سے کافی اونچائی تک دھوئیں کے بادل چھا گئے۔ یہ دھماکا اتنا شدید تھا کہ کئی کلومیٹر دور سے دکھائی دے رہا تھا۔ اس حادثے کی وجہ تاحال سامنے نہیں آسکی ہے۔ قابل ذکربات یہ ہے کہ ہرطرف اس خوفناک حادثہ کا چرچا ہو رہا ہے۔
فارم کے مالک نے ابھی تک اس واقعے پرکوئی تبصرہ نہیں کیا ہے،امریکہ کی پولیس نے یہ بھی کہا ہے کہ آگ لگنے کی وجہ فی الحال معلوم نہیں ہوسکی ہے اور فائربریگیڈ موقع پرامدادی کاموں میں مصروف ہیں۔ کاسٹرو کاؤنٹی شیرف آفس کی جانب سے سوشل میڈیا پر کئی تصاویر شیئر کی گئی ہیں، ان تصاویر میں ایک عمارت سے شعلے اور خوفناک دھویں کے بادل نظر آ رہے ہیں۔
شیرف آفس کی جانب سے کہا گیا کہ فائر فائٹرز نے ایک شخص کو موقع سے بچا لیا ہے جو جلتی ہوئی عمارت کے اندر پھنس گیا تھا۔ صحت عامہ اور حفاظت کو مدنظر رکھتے ہوئے جائے وقوعہ کی طرف جانے والی تمام سڑکوں کو فی الحال بند کر دیا گیا ہے۔
فارم میں اتنی خوفناک آگ کیسے لگی؟
سوال یہ پیدا ہوتا ہے کہ فارم میں آگ کیسے لگی؟ کاؤنٹی کے اعلیٰ ایگزیکٹو کاؤنٹی جج مینڈی گیفلر نے کہا کہ ممکنہ طورپرآگ لگنے کی وجہ کھیت کے سامان کی خرابی کی وجہ سے ہونے والا دھماکہ ہو سکتا ہے۔ ٹیکساس کے فائر حکام فی الحال وجہ کی تحقیقات کر رہے ہیں۔ میلون نے کہا کہ وہ ڈیری میں آگ لگنے کے کسی اور واقعات سے واقف نہیں ہیں۔ انہوں نے بتایا کہ یہ ڈیری صرف تین سال قبل کھولی گئی تھی اور اس میں 50 سے 60 افراد کو روزگار ملتا تھا۔
