’آپریشن سندور‘ کے نام سے فلم کا اعلان سن کر بھڑکے ہوزرس
ممبئی: پاکستان کے خلاف ہندوستان کے ’آپریشن سندور‘ کو لے کر عام لوگوں کے ساتھ ساتھ فلم انڈسٹری کے ستاروں کا بھی جوش و خروش عروج پر ہے۔ اسی دوران فلمساز نکی بھگنانی نے ’آپریشن سندور‘ پر فلم بنانے کا اعلان کیا۔ حالانکہ، اس فیصلے پر انہیں سوشل میڈیا پر شدید تنقید کا سامنا کرنا پڑا۔ اب پوسٹ کر کے انہوں نے معافی مانگ لی ہے اور کہا ہے کہ ان کا مقصد کسی کے جذبات کو ٹھیس پہنچانا نہیں تھا۔
انسٹاگرام پر ایک پوسٹ شیئر کرتے ہوئے پروڈیوسر نکی بھگنانی اور ہدایت کار اتم مہیشوری نے کہا کہ ملک کے فوجیوں کی بہادری سے متاثر ہو کر انہوں نے فلم بنانے کا اعلان کیا۔ ان کا مقصد کسی کے جذبات کو ٹھیس پہنچانا یا بھڑکانا نہیں ہے۔
انہوں نے انسٹاگرام کے اسٹوریز سیکشن پر ایک پوسٹ شیئر کرتے ہوئے لکھا، ’’میں حال ہی میں ہندوستانی مسلح افواج کی بہادرانہ کوششوں سے متاثر ہوکر ’آپریشن سندور‘ پر مبنی فلم کا اعلان کرنے کے لیے مخلصانہ معذرت چاہتا ہوں۔ ہمارا مقصد کبھی بھی کسی کے جذبات کو ٹھیس پہنچانا یا مشتعل کرنا نہیں تھا۔‘‘
انہوں نے مزید لکھا، ’’بطور فلمساز میں اپنے فوجیوں اور قیادت کی ہمت، قربانی اور طاقت سے بہت متاثر ہوا، میں اس مضبوط کہانی کو منظر عام پر لانا چاہتا تھا۔ یہ پروجیکٹ شہرت یا پیسہ کمانے کے لیے نہیں، بلکہ ہمارے ملک کے لیے گہرے احترام اور محبت کی وجہ سے پیدا ہوا تھا۔ حالانکہ، میں سمجھتا ہوں کہ حالات اور حساسیت کی وجہ سے، کچھ لوگ بے چینی محسوس کر سکتے ہیں یا اس سے ناراض ہو سکتے ہیں۔‘‘
پی ایم مودی کی تعریف کرتے ہوئے انہوں نے کہا، ’’یہ صرف ایک فلم نہیں ہے، یہ پورے ملک کے جذبات اور دنیا کے سامنے ملک کی سماجی تصویر ہے، ہماری فوج اور پی ایم مودی کا شکریہ، جو ملک کے لیے دن رات کام کرکے ہمیں فخر محسوس کراتے ہیں۔‘‘
آپ کو بتاتے چلیں کہ میکرز نے حال ہی میں فلم ’آپریشن سندور‘ کا پوسٹر جاری کیا تھا، جسے دیکھ کر سوشل میڈیا پر صارفین غصے میں آگئے اور میکرز کو شدید تنقید کا نشانہ بنایا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
