دی ٹرائل' کی اداکارہ Noor Malabika نے 37 سال کی عمرمیں خودکشی کرلی ! بوسیدہ حالت میں پنکھے سے لٹکی ملی لاش
اداکارہ Noor Malabika Das کے مداحوں کے لیے ایک بری خبر ہے۔ کاجول کے ساتھ ویب سیریز ‘دی ٹرائل’ میں کام کرنے والی اداکارہ نے مبینہ طور پر خودکشی کر لی ہے۔ اداکارہ کی لاش پولیس نے 6 جون کو لوکھنڈ والا کے فلیٹ سے برآمد کی تھی۔ پڑوسیوں نے فلیٹ سے آنے والی بدبو کی شکایت کی تھی۔ جس کے بعد اوشیوارہ پولیس نے اس کی لاش برآمد کی۔
مڈ ڈے ویب سائٹ میں شائع ہونے والی رپورٹ کے مطابق انہوں نے بیڈ روم کے پنکھے سے لٹک کر خودکشی کر لی۔ پولیس نے اداکارہ کی لاش برآمد کر لی ہے۔ قابل ذکر بات یہ ہے کہ اداکارہ Noor Malabika Das کی موت کی اصل وجہ تاحال سامنے نہیں آسکی۔
ذرائع کے مطابق پولیس کا کہنا ہے کہ یہ واقعہ اس وقت سامنے آیا ۔جب آس پاس رہنے والے لوگوں نے بدبو آنے کی شکایت کی۔ پڑوسیوں نے اوشیوارہ پولیس کو اطلاع دی۔ ٹیم نے موقع پر پہنچ کر فلیٹ کا دروازہ توڑا تو نور کی لاش گلی سڑی حالت میں پنکھے سے لٹکی ہوئی ملی۔ اداکارہ کےفلیٹ سے تلاشی کے دوران پولیس نے ادویات، موبائل فون اور ڈائری برآمد کرلی۔
اداکارہ Noor Malabika Das کی لاش کو پوسٹ مارٹم کے لیے گورگاؤں کے سدھارتھ اسپتال لے جایا گیا۔ ان کے گھر والوں سے رابطہ کیا گیا لیکن کوئی سامنے نہیں آیا۔ جب لواحقین میں سے کوئی بھی لاش لینے نہیں آیا تو پولیس نے اتوار 9 جون کو ایک این جی او کی مدد سے آخری رسومات ادا کیں جو شہر میں لاوارث لاشوں کی تدفین کا کام کرتی ہے۔
نور ملابیکا آسام کی رہنے والی تھیں۔ انہوں نے کئی ویب سیریز اور فلموں میں کام کیا۔ اس میں ’سسکیاں‘، ’واک مین‘، ’تیکھی چٹنی‘، ’جگھنیا اوپائے‘، ’چرم سکھ‘، ’دیکھی اندھی‘، ’بیک روڈ حل چل‘ جیسی فلمیں شامل ہیں۔ وہ آخری بار ڈزنی پلس ہاٹ اسٹار پر چلنے والی ‘دی ٹرائل’ میں نظر آئیں تھیں ۔ اس سیریز میں کاجول کے علاوہ جیشو سینگپتا بھی نظر آئے تھے۔
بھارت ایکسپریس
