شاہ رخ-کاجول کی 'کچھ کچھ ہوتا ہے کو مکمل ہوئے 26 سال ، کرن جوہرنے سوشل میڈیا ہینڈل پرایک خاص ویڈیو شیئر کی
شاہ رخ خان، کاجول اور رانی مکھرجی کی فلم ’کچھ کچھ ہوتا ہے‘ نے 16 اکتوبر 2024 کو اپنی ریلیز کے 26 سال مکمل کر لیے ہیں۔ اس خاص دن کا جشن مناتے ہوئے کرن جوہر نے اپنے سوشل میڈیا ہینڈل پر ایک خاص ویڈیو شیئر کی ہے۔
26 years of Kuch Kuch Hota Hai pic.twitter.com/Uj5HozpB6w
— bond. (@imattmurdock) October 15, 2024
بدھ کو کرن جوہر نے سیٹ سے کچھ خاص ان دیکھے لمحات کی ایک ویڈیو مونٹیج شیئر کی۔ کلپ کے ساتھ، فلمساز نے لکھا، ‘کول نیک چین ، نیون شرٹس، گلابی ہیڈ بینڈ، سمر کیمپ کے ساتھ صرف ڈانس، ٹوٹے تاروں کی خواہش، باسکٹ بال میں دھوکہ، دوستی جو محبت میں بدل جاتی ہے اور ایسے کردار جو وقت اور اس سے آگے جیتیں ہیں۔!
26 years of kuch kuch hota hai <3 pic.twitter.com/JywZErXBoW
— 𝐀𝐫𝐲𝐚𝐧 (@SRKzAryan) October 16, 2024
کرن جوہر نے ویڈیو شیئر کی
اس کے ساتھ ہی کرن جوہر نے 1998 کی اس رومانٹک ڈرامہ فلم کے 26 سال مکمل ہونے پر ایک جذباتی نوٹ بھی شیئر کیا ہے۔ کرن جوہرنے کہا، ‘بطور ہدایت کار میری پہلی فلم، جو 26 سال بعد بھی بہترین کاسٹ اور کریو کے ساتھ سیٹ پر آپ کے پہلے دن کے احساس کو زندہ رکھتی ہے! مداحوں کے ساتھ ساتھ مشہور شخصیات بھی کرن جوہر کی پوسٹ پر پیار دے رہی ہے ۔
‘کچھ کچھ ہوتا ہے’ میں شاہ رخ خان، کاجول اور رانی مکھرجی مرکزی کردار میں تھے۔ وہیں سلمان خان مہمان کے کردار میں نظر آئے۔ فلم کچھ کچھ ہوتا ہے نے کئی ایوارڈز جیتے جن میں بہترین مقبول فلم کا نیشنل فلم ایوارڈ بھی شامل ہے۔
Kajol as Anjali Sharma Khanna — Kuch kuch hota hai (1998) pic.twitter.com/cYCi6GO984
— amani (@kajolsart) October 14, 2024
اس کے ساتھ اس فلم نے آٹھ فلم فیئر ایوارڈز بھی جیتے جن میں کرن جوہر کو بہترین ہدایت کار، شاہ رخ خان کو بہترین اداکار اور کاجول کو بہترین اداکارہ کا ایوارڈ ملا۔ وہیں رانی مکھرجی اس فلم میں ٹینا کے کردار کے ذریعے ناظرین کے دلوں پر چھاپ چھوڑنے میں کامیاب رہیں ،جنہوں نے بہترین معاون اداکارہ کا فلم فیئر ایوارڈ حاصل کیا۔
فلم میں شاہ رخ اور کاجول کی کیمسٹری واقعی توجہ کا مرکز تھی۔ ‘کچھ کچھ ہوتا ہے’ کے 26 سال مکمل ہونے پر دنیا بھر کے شائقین اس فلم کو دوبارہ دیکھ رہے ہیں۔
بھارت ایکسپریس
