دلجیت نے آرین کے ساتھ کام کرنے کا تجربہ شیئر کیا۔
ممبئی: بالی ووڈ کے کنگ خان شاہ رخ خان اِن دنوں اپنے بیٹے آرین خان کی ڈیبیو سیریز ’دی بیڈز آف بالی ووڈ‘ کو لے کر خبروں میں ہیں۔ ایک طرف جہاں فینز اس سیریز کا بے صبری سے انتظار کر رہے ہیں، وہیں دوسری طرف اس پروجیکٹ سے جڑی کچھ خاص باتیں سوشل میڈیا پر سامنے آ رہی ہیں۔
حال ہی میں شاہ رخ خان نے ایک بی ٹی ایس (بِہائنڈ دی سین) ویڈیو شیئر کیا تھا، جس میں مشہور پنجابی سنگر اور ایکٹر دلجیت دوسانجھ نظر آئے۔ اس ویڈیو میں دلجیت سیریز کے ایک گانے ’تینوں کی پتہ‘ کی ریکارڈنگ کرتے دکھائی دیے۔
ویڈیو شیئر کرتے ہوئے شاہ رخ نے دلجیت کی خوب تعریف کی اور بتایا کہ کس طرح انہوں نے اس گانے میں جان ڈال دی۔ شاہ رخ نے لکھا، ’’دلجیت پاجی کو دل سے شکریہ اور ڈھیروں جھپی۔ آپ بہت مہربان اور پیارے ہیں۔ امید ہے آرین نے آپ کو زیادہ پریشان نہیں کیا ہوگا۔‘‘
شاہ رخ کی اس دل کو چھو لینے والی پوسٹ پر دلجیت دوسانجھ نے بھی بڑا خوبصورت جواب دیا۔ انہوں نے سوشل میڈیا پلیٹ فارم ایکس پر آرین کے ساتھ اپنے تجربے کو شیئر کیا۔
دلجیت نے لکھا:، ’’سر، بہت پیار جی۔ آرین بھی بہت پیارا ہے۔ پہلی بار جب اسٹوڈیو میں اس سے ملا تو ایسا لگا جیسے آپ سے مل رہا ہوں، جو میرے لیے بہت حیران کرنے والا تھا۔‘‘
دلجیت نے یہ بھی بتایا کہ آرین نہ صرف گٹار بجا لیتا ہے بلکہ گانا بھی اچھا گا لیتا ہے۔ انہوں نے لکھا، ’’جب میں گانا ریکارڈ کر رہا تھا تو وہ ہر نوٹ کو بڑی باریکی سے دیکھ رہا تھا۔ خدا اسے برکت دے۔‘‘
نیٹ فلکس پر ریلیز ہوگی ’دی بیڈز آف بالی ووڈ‘
قابل ذکر ہے کہ آرین خان کی ہدایت کاری میں بنی ویب سیریز ’دی بیڈز آف بالی ووڈ‘ 18 ستمبر کو نیٹ فلکس پر ریلیز ہوگی۔ اس سیریز میں بوبی دیول ایک گرے شیڈ کردار میں نظر آئیں گے، جو کہانی میں الگ سنسنی جوڑیں گے۔ اس کے علاوہ مونا سنگھ، راگھو جویال، گوتمی کپور اور منوج پاہوا جیسے فنکار بھی اہم کردار ادا کرتے دکھائی دیں گے۔
ویب سیریز کو گوری خان نے کیا پروڈیوس
اس ویب سیریز کو گوری خان نے پروڈیوس کیا ہے۔ اس میں بالی ووڈ کی چمک دمک، جدوجہد اور کئی پوشیدہ پہلوؤں کو اجاگر کیا گیا ہے۔ دکھایا جائے گا کہ خوابوں کو پورا کرنے کی چاہ میں انسان کن مشکل راستوں سے گزرتا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
