نئی دہلی: نیم کرولی بابا کی زندگی اور ان کی عقیدت پر مبنی فلم ’ہنومان انش‘ کو ناظرین کی جانب سے خوب سراہا جا رہا ہے۔ اسی سلسلے میں آج فلم ’ہنومان انش‘ کی پوری ٹیم اور بھارت ایکسپریس نیوز نیٹ ورک کے چیئرمین، مینیجنگ ڈائریکٹر اور ایڈیٹر اِن چیف اپیندر رائے نے اپنی اہلیہ اور بیٹے کے ساتھ فلم کی خصوصی اسکریننگ میں شرکت کی۔ اس موقع پر فلم کے فن کار اور نوجوان پروڈیوسرز بھی موجود تھے۔
اپیندر رائے نے نیم کرولی بابا کو پیش کیا خراج عقیدت
فلم ’ہنومان انش‘ کی خصوصی اسکریننگ سے قبل سی ایم ڈی اپیندر رائے نے نیم کرولی بابا کی تصویر کے سامنے چراغ روشن کیا اور پھول پیش کرکے انہیں خراج عقیدت پیش کیا۔ اس موقع پر انہوں نے کہا، ’’نیم کرولی بابا ملک کی عظیم شخصیات میں سے ایک تھے۔ میں نے ان کی زندگی پر بنی فلم دیکھنے سے پہلے چراغ روشن کیا اور ان کے قدموں میں پھول پیش کیے۔‘‘
’ہنومان انش‘ دیکھ کر عقیدت کے جذبات امڈ آئے
خصوصی اسکریننگ کے دوران بھارت ایکسپریس کی ٹیم اور ’ہنومان انش‘ کی اسٹار کاسٹ کے ساتھ فلم دیکھنے کے بعد بھارت ایکسپریس نیوز نیٹ ورک کے چیئرمین، مینیجنگ ڈائریکٹر اور ایڈیٹر اِن چیف اپیندر رائے جذباتی نظر آئے۔ انہوں نے فلم کے تئیں اپنی گہری کیفیت اور عقیدت کا اظہار کیا۔
انہوں نے کہا، ’’آج مجھے نیم کرولی بابا کی زندگی پر مبنی فلم ’ہنومان انش‘ دوبارہ دیکھنے کا موقع ملا۔ طویل عرصے بعد ایسی فلم دیکھنے کو ملی جو واقعی دل کو چھو گئی۔ فلم میں بابا سے جڑی کہانیوں کو پردے پر دیکھ کر ایسا محسوس ہوا جیسے ان کی زندگی، ان کی عقیدت اور ان سے وابستہ چمتکار کی کیفیات آنکھوں کے سامنے زندہ ہو گئی ہوں۔‘‘
اسپیشل اسکریننگ
نوجوان پروڈیوسرز انوپریا اور راگنی کا اہم کردار
اس روحانی اور متاثر کن فلم کی تیاری میں نوجوان پروڈیوسرز انوپریا اور راگنی کا اہم کردار رہا ہے۔ بھارت ایکسپریس کے زیر اہتمام منعقد خصوصی اسکریننگ کے دوران فلم کی پروڈیوسر انوپریا نگر، راگنی اور فلم سے وابستہ تمام اہم فن کار موجود رہے۔ فلم کی ٹیم نے نیم کرولی بابا کے پیغامات اور ان کی تعلیمات کو عام لوگوں تک پہنچانے کی کوشش کی ہے، جسے ناظرین کی جانب سے بھی سراہا جا رہا ہے۔
فلم کو قومی اور بین الاقوامی سطح پر بھی پذیرائی
قابل ذکر ہے کہ ’ہنومان انش‘ کو اس سے قبل بھی قومی اور بین الاقوامی سطح پر پذیرائی مل چکی ہے۔ لندن میں فلم کی اسکریننگ کے علاوہ امریکہ کی ریاست فلوریڈا میں کیرتن گلوکار کرشنا داس کی جانب سے بھی فلم کو آشیرواد حاصل ہوا۔ اس کے علاوہ باگیشور دھام کے پنڈت دھیریندر شاستری، رکن پارلیمنٹ منوج تیواری اور آچاریہ پرمود کرشنم جیسی معروف شخصیات بھی فلم کی تعریف کر چکی ہیں۔
Boxoffice can be so unpredictable… #HanumanAnsh has done the unthinkable!#HanumanAnsh started with low occupancies in Week 1 and Week 2, but the heartening word of mouth gradually translated into footfalls… The real turnaround, however, has come in Weekend 3.
What’s… pic.twitter.com/7paGinOvo6
— taran adarsh (@taran_adarsh) August 24, 2026
فلم ’ہنومان انش‘ میں نیم کرولی بابا کی زندگی، ان کی بے لوث خدمت اور ان سے منسوب روحانی واقعات کو مؤثر اور دمدار انداز میں پیش کرنے کی کوشش کی گئی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
