حیدرآباد سے بی جے پی امیدوار مادھوی لتا نے اسدالدین اویسی پر سوال اٹھایا ہے۔
Madhavi Latha On Asaduddin Owaisi: حیدرآباد لوک سبھا سیٹ پرآل انڈیا مجلس اتحاد المسلمین (اے آئی ایم آئی ایم) کے سربراہ اسدالدین اویسی کے خلاف الیکشن لڑنے والی بی جے پی امیدوارمادھوی لتا نے ان پرتنقید کرنا جاری رکھا ہے۔ ہفتہ (13 اپریل) کو وہ اپنے لوک سبھا انتخابی حلقہ کے کئی علاقے میں انتخابی تشہیرکرنے کے لئے نکلی تھیں۔ اس دوران انہوں نے اسدالدین اویسی کے اس الزام پربھی پلٹ وارکیا، جس میں ان پرمبینہ طورپراسلام کے خلاف بیان دینے کے الزام لگائے گئے تھے۔
مادھوی لتا نے کہا- میں نے اسلام کے خلاف کوئی تبصرہ نہیں کیا
مادھوی لتا نے کہا کہ میں نے اسلام کے خلاف کوئی تبصرہ نہیں کیا ہے۔ میں نے ہمیشہ اسدالدین اویسی پرسوال کیا ہے۔ نیوزایجنسی اے این آئی سے بات چیت میں مادھوی لتا نے اسدالدین اویسی اوران کے بھائی اکبرالدین اویسی کے بھگوان رام اوران کی ماتا سیتا پرکئے گئے تبصرہ کو بھی یاد دلایا ہے۔ مادھوی لتا نے کہا، “اسدالدین اویسی بھول گئے کہ انہوں نے اوران کے بھائی نے بھگوان رام اوران کی ماں سیتا پرقابل اعتراض تبصرہ کیا تھا۔ کیوں ہمارے بھگوان کے بارے میں بولیں گے؟” انہوں نے کہا کہ وہ دن چلا گیا، جب بھگوان کے لئے کئے گئے تبصرہ کو سن کرہم خاموش رہیں گے۔ اب ہم خاموش نہیں رہنے والے ہیں۔
#WATCH तेलंगाना: AIMIM अध्यक्ष असदुद्दीन ओवैसी के बयान पर हैदराबाद निर्वाचन क्षेत्र से भाजपा उम्मीदवार माधवी लता ने कहा, “…असदुद्दीन ओवैसी ने हमारे भगवान राम पर बयान दिया था? क्या उन्हें वो याद नहीं है?… मैंने इस्लाम के बारे में बयान नहीं दिया था। मैंने असदुद्दीन ओवैसी के… https://t.co/KM78gN7UWB pic.twitter.com/4czKlMlfG4
— ANI_HindiNews (@AHindinews) April 13, 2024
مادھوی لتا نے کیا کہا تھا؟
مادھوی لتا نے حیدرآباد میں انتخابی تشہیرکے دوران کہا تھا کہ مسلم خواتین کوبرقع نہیں پہننا چاہئے، تین طلاق کے خلاف کھڑا ہونا چاہئے اورکثرت ازواج کی مخالفت کرنی چاہئے۔ اس پر اسدالدین اویسی نے الزام لگایا کہ وہ اسلام کے خلاف بات کررہی ہیں۔ اس پرحیدرآباد سے بی جے پی امیدوارمادھوی لتا نے کہا کہ میں نے مسلم خواتین کو مضبوط بننے کی نصیحت دی ہے۔ اویسی کیوں چاہتے ہیں کہ مسلم مرد کئی شادیاں کرتے ہیں؟ دراصل، بی جے پی نے مادھوی لتا کو اسدالدین اویسی کے لئے میدان میں اتارا ہے اوروہ مسلسل اسدالدین اویسی پرتنقید کررہی ہیں۔ ساتھ ہی مادھوی لتا دعویٰ کررہی ہیں کہ حیدرآباد سے وہ الیکشن جیتیں گی اوراویسی ہاریں گے، لیکن اس دعوے کی حقیقت کا ہے، اس کا پتہ 4 جون کو چلے گا۔
بھارت ایکسپریس۔
