کیرالہ کے وایناڈ سے کانگریس لیڈر راہل گاندھی نے بدھ (03 اپریل) کو لوک سبھا انتخابات 2024 کے لیے اپنا پرچہ نامزدگی داخل کیا ہے۔ اس سے پہلے انہوں نے ایک روڈ شو کیا جس میں کانگریس جنرل سکریٹری اور ان کی بہن پرینکا گاندھی بھی ان کے ساتھ موجود تھیں۔راہل گاندھی نے 2019 کے انتخابات میں وایناڈ سیٹ سے چار لاکھ سے زیادہ ووٹوں کے بڑے فرق سے کامیابی حاصل کی تھی۔ پارٹی نے کہا کہ راہل گاندھی ہیلی کاپٹر کے ذریعہ وایناڈ کے ایک گاؤں موپیناڈ پہنچے اور سڑک کے ذریعے کلپیٹہ گئے۔ کانگریس نے کہا کہ راہل گاندھی نے پرینکا گاندھی اور کے سی وینوگوپال، دیپا داس، کنہیا کمار اور ریاستی اسمبلی میں اپوزیشن لیڈر وی ڈی ستیسان اور کے پی سی سی کے ورکنگ صدر ایم ایم حسن کے ساتھ کلپٹہ سے صبح 11 بجے کے قریب روڈ شو شروع کیا۔
I have received love and affection. I have learned so much from my brothers and sisters.
It is an honour for me to be your MP.
I treat you and think of you the same way I think of my little sister @priyankagandhi.
I thank you from the bottom of my heart.
: Shri… pic.twitter.com/09tEQqUb4F
— Congress (@INCIndia) April 3, 2024
اس دوران راہل گاندھی نے کہا کہ آپ کا ایم پی بننا میرے لیے فخر کی بات ہے، میں آپ سب کو اپنی چھوٹی بہن پرینکا کی طرح سمجھتا ہوں۔ یہ میڈیکل کالج کا مسئلہ ہے، میں نے تمام اٹھائے گئے مسائل پوچھے ہیں، وزیر اعلیٰ کو خط لکھا لیکن کچھ نہیں ہوا، جب مرکز اور کیرالہ میں ہماری حکومت ہوگی تو ہم آپ کے تمام مسائل حل کریں گے۔ UDF ہو یا LDF، سب ایک ہیں۔ میرے خاندان کی طرح۔ چاہے نظریات کا فرق ہی کیوں نہ ہو۔ پچھلے پانچ سالوں میں میں نے محسوس کیا ہے کہ آپ سے بہت کچھ سیکھنے کو ملا ہے۔”
#WATCH | Lok Sabha elections 2024 | Kerala: Congress party’s sitting MP and candidate Rahul Gandhi files his nomination from Wayanad
His sister and party’s general secretary Priyanka Gandhi Vadra is also present with him.
CPI has fielded Annie Raja from this seat and BJP has… pic.twitter.com/NoFpSbcLto
— ANI (@ANI) April 3, 2024
روڈ شو کے بعد کاغذات نامزدگی داخل
روڈ شو میں کانگریس کے ہزاروں کارکنوں اور حامیوں نے شرکت کی۔ پارٹی نے کہا کہ روڈ شو سول سٹیشن کے قریب دوپہر کے قریب ختم ہوا، جس کے بعد راہل گاندھی نے اپنے کاغذات نامزدگی ضلع کلکٹر کو جمع کرائے ۔ بتادیں کہ بھارتیہ جنتا پارٹی (بی جے پی) نے راہل گاندھی کے خلاف کے کے سریندرن کو میدان میں اتارا ہے۔ لوک سبھا انتخابات 2024 کے دوسرے مرحلے میں 26 اپریل کو وایناڈ میں ووٹنگ ہونی ہے۔ اس تاریخ کو 13 ریاستوں میں 89 سیٹوں پر ووٹنگ ہوگی۔
بھارت ایکسپریس۔
