مرکزی وزیر داخلہ امت شاہ نے سابق وزیر اعظم پنڈت جواہر لال نہرو اور دفعہ 370 کا ذکر کرتے ہوئے کانگریس کو نشانہ بنایاہے۔ انہوں نے کہا کہ ملک کے پہلے وزیر اعظم پنڈت جواہر لال نہرو نے جموں و کشمیر میں دفعہ 370 نافذ کرکے غلطی کی تھی۔وزیر داخلہ امت شاہ نے راجستھان کے جودھ پور میں کہا، ’’پی ایم مودی نے وہ تمام وعدے پورے کیے ہیں جو بی جے پی نے اپنے قیام کے وقت کیے تھے۔ وہیں سابق وزیر اعظم جواہر لال نہرو نے جموں و کشمیر میں 370 نافذ کرکے سب سے بڑی غلطی کی تھی۔ اس غلطی کو مرکز کی مودی حکومت نے 5 اگست 2019 کو درست کیا اور جموں و کشمیر میں ترنگا لہرایا گیا۔
राजस्थान में 70% वोट के साथ भाजपा सभी 25 सीटों पर हैट्रिक लगाएगी। pic.twitter.com/lweLeMuC1T
— Amit Shah (Modi Ka Parivar) (@AmitShah) April 1, 2024
انہوں نے مزید کہا کہ بی جے پی ایک ایسی پارٹی ہے جس میں انتخابات لیڈروں کے زور پر نہیں بلکہ بوتھ ورکرس کے زور پر جیتے جاتے ہیں۔ دنیا میں ملک کا پرچم بلند کرنے کا کام نریندر مودی نے کیا ہے۔ اس کے ساتھ ہی پورے ملک کی عوام پی ایم مودی کو تیسری بار وزیر اعظم منتخب کرنے کے لیے تیار ہے۔کانگریس پر نشانہ لگاتے ہوئے امت شاہ نے کہا کہ دس سال پہلے ملک میں یو پی اے کی حکومت تھی اور ملک کا مستقبل سونیا گاندھی اور منموہن سنگھ نے تاریک کر دیا تھا۔ انہوں نے مزید کہا کہ 2014 میں ملک اور راجستھان کے لوگوں نے نریندر مودی کو وزیر اعظم بنانے کا کام کیا اور 10 سالوں میں پی ایم مودی نے ملک کے ہر شعبے میں تبدیلی لانے کا کام کیا ہے۔
जोधपुर (राजस्थान) के शक्ति केंद्र प्रमुख सम्मेलन में अपने ऊर्जावान कार्यकर्ताओं के बीच आकर उत्साहित हूँ। https://t.co/qoxYui8NiO
— Amit Shah (Modi Ka Parivar) (@AmitShah) April 1, 2024
امت شاہ نے کہا کہ 2014 میں راجستھان کے لوگوں نے 55 فیصد ووٹوں کے ساتھ پی ایم مودی کو 25 سیٹیں دی تھیں۔ 2019 میں ووٹ بڑھ کر 61 فیصد ہو گئے اور پھر بی جے پی کو تمام 25 سیٹیں مل گئیں۔ اب نریندر مودی دوبارہ آئے ہیں، اس بار انہیں 25 میں سے 25 سیٹیں 70 فیصد ووٹوں سے جیت کر ہیٹ ٹرک کرنی ہے۔اور اس کیلئے راجستھان کی عوام پوری طرح سے تیار ہے۔
بھارت ایکسپریس۔
