نئے پارلیمنٹ ہاؤس میں بلایا گیا 5 دنوں کا خصوصی اجلاس
Parliament Special Session 2023: مرکزی حکومت نے حیران کن فیصلہ کے تحت پارلیمنٹ کا خصوصی سیشن بلایا ہے۔ مرکزی وزیربرائے پارلیمانی امور پرہلاد جوشی نے جمعرات (31 اگست) کو ایکس (ٹوئٹر) پر پوسٹ کرکے بتایا کہ پارلیمنٹ کا خصوصی سیشن 18 سے 22 ستمبر تک چلے گا۔ اس میں 5 میٹنگیں ہوں گی۔
اسپیشل سیشن نئے پارلیمنٹ میں ہوگا۔ ذرائع کے مطابق، اس سیشن میں 10 سے زیادہ اہم بل پیش کئے جائیں گے۔ بتایا جا رہا ہے کہ کئی اہم بل کی وجہ سے اسپیشل سیشن بلایا جا رہا ہے۔ پرہلاد جوشی نے لکھا کہ امرت کال کے درمیان پارلیمنٹ مثبت بات چیت اور بحث کا انتظار کررہا ہوں۔ ذرائع سے ملی جانکاری کے مطابق، اس سیشن میں حکومت 10 سے زیادہ اہم بل پی کرسکتی ہے اور اسی ضمن میں یہ خصوصی اجلاس بلایا گیا ہے۔
Special Session of Parliament (13th Session of 17th Lok Sabha and 261st Session of Rajya Sabha) is being called from 18th to 22nd September having 5 sittings. Amid Amrit Kaal looking forward to have fruitful discussions and debate in Parliament.
ಸಂಸತ್ತಿನ ವಿಶೇಷ ಅಧಿವೇಶನವನ್ನು… pic.twitter.com/k5J2PA1wv2
— Pralhad Joshi (@JoshiPralhad) August 31, 2023
مانسون سیشن میں ہوا تھا زبردست ہنگامہ
واضح رہے کہ پارلیمنٹ کا مانسون سیشن 20 جولائی سے 11 اگست تک چلا تھا۔ اس دوران منی پورتشدد سے متعلق دونوں ہی ایوانوں میں جم کرہنگامہ ہوا تھا۔ اپوزیشن جماعتوں نے منی پورکے موضوع پرایوان میں بحث اور وزیراعظم مودی کے بیان کا مطالبہ کرتے ہوئے زبردست ہنگامہ کیا تھا۔
اپوزیشن نے تحریک عدم اعتماد کی تجویز پیش کی
منی پورتشدد کے موضوع پروزیراعظم سے بیان دینے کے مطالبہ کے دوران اپوزیشن اتحاد انڈیا کی طرف حکومت کے خلاف تحریک عدم اعتماد کی تجویزلے کرآئی تھی۔ اس پر بحث کے دوران برسراقتدار بی جے پی اور اپوزیشن نے ایک دوسرے پر جم کر حملہ بولا تھا۔
بھارت ایکسپریس۔
