گریٹر نوئیڈا پولیس نے بچے کو اغوا کرنے والوں کو گرفتار کیا ہے۔
مدھیہ پردیش کے اجین ضلع میں ایک پالتو کتے پر جھگڑے کے بعد خودکشی کرنے سے پہلے ایک 45 سالہ شخص نے مبینہ طور پر اپنی بیوی اور دو بچوں کو تلوار سے مار ڈالا۔ پولیس نے یہ اطلاع دی۔پولیس افسر نے بتایا کہ یہ واقعہ ضلع ہیڈکوارٹر سے تقریباً 50 کلومیٹر دور بد نگر علاقے کے ایک گھر میں سنیچر کی دیر رات پیش آیا۔
سب ڈویژنل پولیس افسر مہندر سنگھ پرمار نے بتایا کہ ابتدائی تحقیقات کے مطابق دلیپ پوار نے ہفتے کی رات تقریباً ایک بجے اپنے پالتو کتے کو مارنا شروع کیا۔
انہوں نے کہا کہ ان کی بیوی گنگا (40)، ان کے بیٹے یوگیندر (14) اور بیٹی نیہا (17) نے مداخلت کی اور پوار سے کہا کہ وہ پالتو جانور کو اکیلا چھوڑ دیں۔
“اس کے بعد، غصے میں، پوار نے مبینہ طور پر اپنی بیوی اور دو بچوں پر تلوار سے حملہ کر کے ہلاک کر دیا۔ اس کے دیگر دو بچے جان بچانے کے لیے گھر سے باہر بھاگے۔
انہوں نے بتایا کہ کچھ دیر بعد، پوار نے مبینہ طور پر اپنے گھر میں خود کو تیز دھار ہتھیار سے وار کرکے خودکشی کرلی۔
افسر نے کہا، “ابتدائی تحقیقات کے مطابق، پوار شراب کے عادی تھے۔ فی الحال ہم اعتماد سے نہیں کہہ سکتے کہ جب اس نے اپنی بیوی اور دو بچوں کو قتل کیا تو وہ نشہ میں تھا یا نہیں۔ اس معاملے میں تفتیش جاری ہے۔‘‘
انہوں نے کہا کہ ملزم کے پاس چند ماہ سے کوئی نوکری نہیں تھی۔ افسر نے بتایا کہ اس کے پاس ایک مال گاڑی تھی جس کے ذریعے وہ اپنی روزی کماتا تھا، لیکن اس نے اسے کچھ عرصہ پہلے بیچ دیا۔
پرمار نے کہا، “صبح 5 بجے (اتوار) کے قریب اطلاع ملنے کے بعد، ہم موقع پر پہنچے اور لاشوں کو پوسٹ مارٹم کے لیے بھیج دیا۔”
پولیس نے بتایا کہ فرانزک سائنس لیبارٹری کی ٹیم بھی موقع پر پہنچ گئی ہے۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
