مرکزی وزیر داخلہ امت شاہ نے اعلان کیا ہے کہ ہندوستان 13 اکتوبر 2026 کو نئی دہلی میں بیمسٹیک (BIMSTEC) کے وزرائے داخلہ کی پہلی میٹنگ کی میزبانی کرے گا۔ اس اجلاس میں تنظیم کے تمام 7 رکن ممالک کے وفود شرکت کریں گے۔ میٹنگ کا مقصد علاقائی سلامتی کے شعبے میں تعاون کو مضبوط بنانا اور سرحد پار سے پیدا ہونے والے خطرات سے نمٹنے کے لیے مشترکہ حکمت عملی تیار کرنا ہے۔ امت شاہ نے اجلاس میں شرکت کرنے والے وفود کا خیرمقدم کرتے ہوئے دہشت گردی، سرحد پار جرائم، منشیات کی اسمگلنگ، انسانی اسمگلنگ اور سائبر خطرات سے نمٹنے کے لیے مربوط کوششوں کی ضرورت پر زور دیا۔ اجلاس کے دوران رکن ممالک کے درمیان خفیہ معلومات کے تبادلے اور سلامتی کے معاملات میں باہمی تعاون کو بہتر بنانے کے طریقوں پر تبادلۂ خیال کیا جائے گا۔
India is honored to host the First BIMSTEC Home Ministers’ Meeting in New Delhi on 13 October 2026. I extend a warm welcome to the Hon’ble Home Ministers and member state delegations.
This historic meeting underscores our shared resolve to combat terrorism, transnational organized crime, narcotics radicalization, trafficking, illicit financial flows, and cyber threats. Through decisive coordination, we remain committed to building a safer, stronger, and more secure BIMSTEC region.
— Amit Shah (@AmitShah) October 12, 2026
کیا ہے بیمسٹیک؟
بیمسٹیک یعنی خلیج بنگال کے خطے میں کثیر شعبہ جاتی تکنیکی اور اقتصادی تعاون کی تنظیم میں بنگلہ دیش، بھوٹان، ہندوستان، میانمار، نیپال، سری لنکا اور تھائی لینڈ شامل ہیں۔ ان 7 ممالک نے 1997 میں خلیج بنگال کے خطے میں باہمی تعاون کو فروغ دینے کے مقصد سے اس تنظیم کی بنیاد رکھی تھی۔ ہندوستان بیمسٹیک کے سلامتی سے متعلق شعبے کی قیادت کرتا ہے۔ نئی دہلی میں ہونے والی یہ میٹنگ تنظیم کے تحت وزرائے داخلہ کا پہلا مخصوص اجلاس ہوگا، جس میں روایتی اور ابھرتے ہوئے سلامتی کے خطرات سے نمٹنے کے لیے مشترکہ کوششوں کو مزید مؤثر بنانے پر توجہ دی جائے گی۔
بنگلہ دیش کی شرکت پر سوال
بنگلہ دیش کے وزیر داخلہ کی اس اجلاس میں شرکت متوقع نہیں ہے۔ ڈھاکہ اور نئی دہلی کے درمیان جاری کشیدگی کے پیش نظر بنگلہ دیش کی نمائندگی ایک سینئر سکریٹری کی قیادت میں آنے والا وفد کرے گا۔ تاہم، بیمسٹیک کے دیگر رکن ممالک کے وزرائے داخلہ کی نئی دہلی اجلاس میں شرکت کا امکان ہے۔
سرحد پار جرائم سے نمٹنے پر توجہ
علاقے کے ممالک منظم جرائم، غیر قانونی منشیات کے نیٹ ورک، انسانی اسمگلنگ اور سائبر جرائم سے نمٹنے کے لیے زیادہ مؤثر نظام قائم کرنے کے خواہاں ہیں۔ اس اجلاس میں رکن ممالک کی سلامتی سے متعلق ایجنسیوں کے درمیان رابطے اور تعاون کو بہتر بنانے کے امکانات پر غور کیا جائے گا۔ اجلاس سے توقع ہے کہ علاقائی سلامتی کے مشترکہ چیلنجوں سے نمٹنے کے لیے رکن ممالک کے درمیان اشتراک کو فروغ ملے گا اور سرحد پار جرائم کے خلاف مشترکہ کارروائیوں کو مضبوط بنانے میں مدد ملے گی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
