نئی دہلی: وزیر اعظم نریندر مودی نے ملک کے عوام سے مردم شماری 2027 میں فعال طور پر حصہ لینے کی اپیل کی ہے۔ ’من کی بات‘ پروگرام کے دوران انہوں نے کہا کہ مردم شماری میں حصہ لینا صرف ایک رسمی عمل نہیں بلکہ ہر شہری کی قومی ذمہ داری ہے۔ انہوں نے لوگوں سے اپیل کی کہ وہ اپنی مصروف زندگی میں سے چند منٹ نکال کر مردم شماری کے لیے ضروری معلومات فراہم کریں۔ وزیر اعظم نے کہا کہ ملک کے مستقبل کی درست تصویر تیار کرنے کے لیے درست اعداد و شمار انتہائی ضروری ہیں۔ آبادی، خاندانوں اور ملک کی بدلتی ضروریات سے متعلق معلومات کی بنیاد پر مستقبل کی منصوبہ بندی اور پالیسیاں تیار کرنے میں مدد ملتی ہے۔ ایسے میں ہر شہری کی شرکت اس پورے عمل کو مزید مؤثر بنا سکتی ہے۔
پہلے مرحلے میں 32 کروڑ سے زائد خاندانوں کا ریکارڈ
حکومت کے مطابق مردم شماری 2027 کے پہلے مرحلے کا کام ملک بھر میں تقریباً مکمل ہونے کے مرحلے میں ہے۔ اب تک 32 کروڑ سے زیادہ خاندانوں کا ریکارڈ درج کیا جاچکا ہے، جبکہ تقریباً 2.6 کروڑ افراد نے آن لائن سیلف اینیومریشن یعنی خود اپنی معلومات درج کرنے کا عمل بھی مکمل کرلیا ہے۔ اس بار مردم شماری کو ڈیجیٹل طریقے سے کرانے کی سمت میں بڑا قدم اٹھایا گیا ہے۔ یہ ملک کی پہلی ڈیجیٹل مردم شماری ہے۔ مردم شماری پہلے 2021 میں ہونا تجویز تھی، لیکن کورونا وبا کے باعث اسے آگے بڑھانا پڑا تھا۔
जनगणना में शामिल होना हम सबका राष्ट्रीय दायित्व है।
इससे देश के भविष्य की सही तस्वीर तैयार करने में मदद मिलती है।
मेरा समस्त देशवासियों से एक बार फिर आग्रह है कि वे इसके लिए अपना समय जरूर निकालें।
#MannKiBaat https://t.co/VSmfSl6tiC
— Narendra Modi (@narendramodi) September 28, 2026
موبائل فون سے خود درج کرسکتے ہیں معلومات
مردم شماری 2027 میں شہریوں کے لیے سیلف اینیومریشن کی سہولت بھی فراہم کی گئی ہے۔ اس کے تحت لوگ سرکاری پورٹل پر اپنے موبائل فون کے ذریعے ضروری معلومات خود درج کرسکتے ہیں۔ حکومت نے اس عمل کو آسان رکھنے کی کوشش کی ہے تاکہ زیادہ سے زیادہ لوگ اس میں حصہ لے سکیں۔ بتایا گیا ہے کہ آن لائن طریقے سے معلومات درج کرنے میں عام طور پر تقریباً 15 سے 20 منٹ لگ سکتے ہیں۔ خاص بات یہ ہے کہ سیلف اینیومریشن کی سہولت 16 زبانوں میں دستیاب کرائی گئی ہے، جس سے مختلف لسانی علاقوں کے لوگوں کے لیے معلومات سمجھنا اور یہ عمل مکمل کرنا آسان ہوگا۔ وزیر اعظم نے زور دیا کہ مردم شماری کے درست اعداد و شمار ملک کی موجودہ صورتحال کو سمجھنے کے ساتھ ساتھ مستقبل کی ضروریات کے مطابق منصوبہ بندی کرنے میں بھی اہم کردار ادا کریں گے۔ انہوں نے عوام سے اس قومی عمل میں ذمہ داری کے ساتھ حصہ لینے کی اپیل کی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
