نئی دہلی: دہلی حکومت نے قومی دارالحکومت کی جیلوں میں غیر فطری وجوہات سے قیدیوں کی موت کی صورت میں ان کے اہلِ خانہ کو 7.5 لاکھ روپے تک کا معاوضہ فراہم کرنے کی اسکیم کا نوٹیفکیشن جاری کر دیا ہے۔ وزیراعلیٰ دفتر (سی ایم او) کی جانب سے سوشل میڈیا پلیٹ فارم ایکس پر جاری بیان کے مطابق، اس اسکیم کے تحت قیدی کی موت کی نوعیت اور حالات کے مطابق مالی امداد فراہم کی جائے گی۔
₹7.5 लाख तक का मुआवजा अब दिल्ली की जेलों में अप्राकृतिक मृत्यु के मामलों में मृतक बंदियों के परिजनों को दिया जाएगा।
दिल्ली सरकार द्वारा अधिसूचित योजना के तहत बंदियों के बीच संघर्ष या जेल कर्मियों द्वारा कथित मारपीट से मृत्यु पर ₹7.5 लाख तथा लापरवाही या आत्महत्या के मामलों में…
— CMO Delhi (@CMODelhi) August 2, 2026
کن معاملات میں کتنا معاوضہ ملے گا؟
اسکیم کے مطابق اگر کسی قیدی کی موت قیدیوں کے درمیان تصادم یا جیل عملے کے مبینہ تشدد کے نتیجے میں ہوتی ہے تو اس کے اہلِ خانہ کو 7.5 لاکھ روپے بطور مالی امداد دیے جائیں گے۔ اسی طرح اگر موت غفلت یا خودکشی کے باعث واقع ہوتی ہے تو متاثرہ خاندان کو 5 لاکھ روپے کا معاوضہ دیا جائے گا۔ البتہ قدرتی موت یا بیماری کے سبب ہونے والی اموات اس اسکیم کے دائرۂ کار میں شامل نہیں ہوں گی۔ دہلی حکومت کے مطابق اس اسکیم کا مقصد جیل انتظامیہ میں شفافیت، جوابدہی، انسانی وقار اور قانون کی حکمرانی کو مزید مضبوط بنانا ہے، تاکہ قیدیوں کے حقوق کے تحفظ کو یقینی بنایا جا سکے۔
ڈیزاسٹر مینجمنٹ عملے کے اعزازیہ میں بھی اضافہ
دریں اثنا، دہلی حکومت نے ریاستی ڈیزاسٹر مینجمنٹ اتھارٹی (DSDMA) کے تحت خدمات انجام دینے والے پروجیکٹ افسران (POs)، ڈسٹرکٹ پروجیکٹ افسران (DPOs) اور پروجیکٹ کوآرڈینیٹرز (PCs) کے اعزازیہ میں بھی نمایاں اضافے کا فیصلہ کیا ہے۔ وزیر اعلیٰ ریکھا گپتا نے کہا کہ اس فیصلے کے تحت ان ملازمین کے اعزازیہ میں 100 فیصد تک اضافہ کیا جائے گا۔ انہوں نے کہا کہ یہ فیصلہ ان اہلکاروں کے ساتھ انصاف کے مترادف ہے، جو 2009 سے دہلی کے ڈیزاسٹر مینجمنٹ نظام کی ریڑھ کی ہڈی بنے ہوئے ہیں، مگر گزشتہ 16 برسوں کے دوران ان کے اعزازیہ میں ایک بار بھی نظرثانی نہیں کی گئی۔ وزیر اعلیٰ کے مطابق یہ عہدے 2009 میں اقوام متحدہ کے ترقیاتی پروگرام (UNDP) کے تعاون سے قائم کیے گئے تھے۔ اس دوران مہنگائی میں اضافہ ہوا، آفات سے نمٹنے کے چیلنجز پیچیدہ ہوئے اور ان اہلکاروں کی ذمہ داریوں میں بھی مسلسل اضافہ ہوتا رہا، لیکن ان کا اعزازیہ جوں کا توں برقرار رہا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
