بہرائچ سڑک حادثہ
Bahraich Bus Accident: بدھ کو بہرائچ ضلع کے ٹپے سپاہ علاقے میں بس اور ٹرک میں زور دار ٹکر ہو گئی، جس کی وجہ سے 6 افراد ہلاک اور 15 زخمی ہوگئے۔ زخمیوں کو ہسپتال منتقل کر دیا گیا ہے۔ ذرائع کے مطابق زخمیوں میں چار کی حالت تشویشناک بتائی جارہی ہے۔ حادثے کی وجوہات کا ابھی تک پتہ نہیں چل سکا ہے۔
ضلع مجسٹریٹ دنیش چندرا نے کہا کہ ابتدائی طور پر ایسا لگتا ہے کہ ٹرک غلط سمت سے آرہا تھا جب اس نے روڈ ویز بس کو ٹکر ماری۔
وزیر اعلیٰ یوگی آدتیہ ناتھ نے حادثے میں ہلاکتوں پر افسوس کا اظہار کیا ہے اور حکام کو زخمیوں کا مناسب علاج یقینی بنانے کی ہدایت دی ہے۔
लखनऊ की ओर से आ रही एक रोडवेज की बस और बहराइच की ओर से आ रही एक ट्रक में टक्कर हो गई। 6 लोगों की मृत्यु हुई है, 15 घायलों में से 4 की हालत गंभीर है। घटना के कारणों की जांच जारी है। प्रथम दृष्टि में प्रतीत हो रहा है ट्रक गलत साइड से आकर बस से टकराया है: दिनेश चंद्र, DM, बहराइच https://t.co/ywm3yM0lT1 pic.twitter.com/YEdJnCyMd6
— ANI_HindiNews (@AHindinews) November 30, 2022
بہرائچ جا رہی تھی روڈ ویز بس
بتایا جا رہا ہے کہ یہ حادثہ صبح تقریباً 4.30 بجے پیش آیا۔ حادثے کی ایک وجہ یہ بھی بتائی جارہی ہے کہ یہ حادثہ دھند کے باعث پیش آیا۔ لیکن ابھی تک اس کی باضابطہ تصدیق نہیں ہوئی ہے۔ حادثے کی اطلاع ملتے ہی سی او (CO) اور ایس ڈی ایم (SDM) قیصر گنج موقع پر پہنچے اورریسکیو آپریشن شروع کرایا۔
بس میں سوار تھے40 افراد
اس روڈ ویز بس میں 40 افراد سوار تھے، تمام مرنے والے مرد ہیں۔ تمام زخمیوں کو قریبی اسپتال میں داخل کرایا گیا ہے۔ شدید زخمیوں کو لکھنؤ ٹراما سینٹر ریفر کر دیا گیا ہے۔ صبح سے اس حادثے کی خبر سن کر لوگ حیران تھے۔ پہلے تو مقامی لوگوں نے مدد کی۔ لیکن اس کے بعد انتظامیہ نے ریسکیو آپریشن شروع کر دیا۔
فی الحال پولیس اس معاملے کی تحقیقات کر رہی ہے۔ ابھی تک ٹرک ڈرائیور کی کوئی خبر نہیں ہے۔ جس سے پتہ چلے کہ حادثہ کن وجوہات کی بنا پر ہوا۔
