احمد آباد: اڈانی اسپورٹس لائن نے اتوار کو احمد آباد میراتھن کے 10ویں ایڈیشن کے لیے رجسٹریشن شروع کردی ہے۔ یہ میراتھن 29 نومبر کو منعقد ہوگی۔ اس کا اعلان کارگل وجے دیوس کے موقع پر کیا گیا۔ اپنی سابقہ تھیم ’رن فار سولجرز‘ کو جاری رکھتے ہوئے یہ میراتھن ہندوستانی مسلح افواج کی بہادری اور قربانیوں کو خراج عقیدت پیش کرے گی۔ اس کے ساتھ ہی یہ فٹنس، اجتماعی جذبے اور ملک کے تئیں فخر کے جشن میں ملک بھر کے رنرز کو ایک ساتھ لائے گی۔ گزشتہ ایک دہائی میں اڈانی احمد آباد میراتھن ہندوستان کے اہم روڈ رننگ ایونٹس میں شامل ہوگئی ہے۔ اس میں بہترین ایتھلیٹس، شوقیہ رنرز، فٹنس کے شوقین افراد اور خاندان شرکت کرتے ہیں۔ یہ ایونٹ اب صحت مند طرز زندگی کو فروغ دینے اور کھیلوں میں شرکت کی حوصلہ افزائی کرنے والی سالانہ اجتماعی پہل بن چکا ہے۔
گزشتہ ایڈیشن میں 24 ہزار سے زائد رنرز نے لیا تھا حصہ
گزشتہ ایڈیشن میں 24 ہزار سے زائد رنرز نے حصہ لیا تھا، جس سے ہندوستان کی معروف روڈ ریس کے طور پر اس میراتھن کی شناخت مزید مضبوط ہوئی۔ 2022 سے یہ ایونٹ ’ایسوسی ایشن آف انٹرنیشنل میراتھن اینڈ ڈسٹنس ریس‘ کی عالمی میراتھن ایونٹ فہرست میں شامل ہے۔ ہر ریس روٹ کو ایتھلیٹکس فیڈریشن آف انڈیا سے منظوری حاصل ہے۔ 10واں ایڈیشن ایک بار پھر صابرمتی ریور فرنٹ اسپورٹس پارک سے شروع ہوگا۔ شرکاء صابرمتی ریور فرنٹ کے کنارے دوڑیں گے اور احمد آباد کے کئی معروف مقامات سے گزریں گے۔ رنرز چار ریس کیٹیگریز میں حصہ لے سکتے ہیں، فل میراتھن (42.195 کلومیٹر)، ہاف میراتھن (21.097 کلومیٹر)، 10 کلومیٹر اور 5 کلومیٹر۔ میراتھن کے لیے رجسٹریشن شروع ہوچکی ہے۔
’رن فار سولجرز‘ کے ذریعے فوجیوں کو خراج پیش کرنے کی اپیل
اڈانی اسپورٹس لائن کے چیف بزنس آفیسر سنجے اڈیسارا نے کہا کہ 10واں ایڈیشن گجرات میں ایک مضبوط رننگ کلچر قائم کرنے کی سمت میں ایک اہم سنگ میل ہے۔ انہوں نے کہا ’’ابتدا میں یہ کوشش زیادہ سے زیادہ لوگوں کو دوڑنے کے لیے ترغیب دینے کے مقصد سے شروع ہوئی تھی، لیکن اب یہ ریاست کے سب سے بڑے اجتماعی کھیلوں کے پروگراموں میں شامل ہوگئی ہے۔ کارگل وجے دیوس پر رجسٹریشن شروع ہونے سے یہ ایونٹ مزید خاص ہوگیا ہے۔ ’رن فار سولجرز‘ کے ذریعے ہم لوگوں کو اپنی افواج کی بہادری، لگن اور قربانیوں کے احترام میں دوڑنے کی دعوت دیتے ہیں۔ ہم اڈانی احمد آباد میراتھن کے ایک دہائی مکمل کرنے کا جشن منا رہے ہیں۔‘‘
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
