نئی دہلی :فیفا ورلڈ کپ 2026 کے سنسنی خیز فائنل میں اسپین نے دفاعی چیمپئن ارجنٹینا کو 1-0 سے شکست دے کر دوسری بار عالمی چیمپئن بننے کا اعزاز حاصل کر لیا۔ اس تاریخی فتح کے ساتھ ہی اسپین پر انعامی رقم کی بھی زبردست بارش ہوئی، جبکہ شکست کے باوجود ارجنٹینا بھی کروڑوں ڈالر کی انعامی رقم حاصل کرنے میں کامیاب رہا۔ورلڈ کپ کا ٹائٹل جیتنے پر اسپین کو 50 ملین امریکی ڈالر کی خطیر انعامی رقم دی گئی، جو بھارتی کرنسی میں تقریباً 480 کروڑ روپے بنتی ہے۔ گزشتہ ورلڈ کپ میں فاتح ٹیم کو 42 ملین ڈالر ملے تھے، تاہم اس بار فیفا نے انعامی رقم میں 8 ملین ڈالر کا اضافہ کیا۔ دوسری جانب فائنل میں شکست کھانے والی ارجنٹینا کی ٹیم کو بھی 33 ملین امریکی ڈالر، یعنی تقریباً 318 کروڑ بھارتی روپے انعام کے طور پر دیے گئے۔
گولڈن گلوو کا ایوارڈ بہترین گول کیپنگ پر اسپین ہی کے اونائی سیمون کو ملا، جنہوں نے پورے ورلڈ کپ میں شاندار کارکردگی کا مظاہرہ کرتے ہوئے تمام میچوں میں صرف ایک گول ہونے دیا۔اس کے علاوہ بہترین نوجوان کھلاڑی کا ایوارڈ بھی اسپین کے پاؤ کیوبارسی کے حصے میں آیا۔
President Donald J. Trump presents the World Cup Trophy to Spain, the 2026 @FIFAWorldCup Champions! 🏆 pic.twitter.com/SHsoBhYm1b
— The White House (@WhiteHouse) July 19, 2026
ٹورنامنٹ میں تیسری پوزیشن حاصل کرنے والی انگلینڈ کی ٹیم، جس نے فرانس کو شکست دی، اسے 29 ملین ڈالر (تقریباً 279 کروڑ بھارتی روپے) ملے، جبکہ چوتھے نمبر پر رہنے والی فرانس کی ٹیم کو 27 ملین ڈالر، یعنی تقریباً 260 کروڑ بھارتی روپے دیے گئے۔ کوارٹر فائنل تک رسائی حاصل کرنے والی ہر ٹیم کو 19 ملین ڈالر (تقریباً 183 کروڑ بھارتی روپے) جب کہ پری کوارٹر فائنل یعنی راؤنڈ آف 16 میں باہر ہونے والی ہر ٹیم کو 15 ملین ڈالر (تقریباً 144 کروڑ بھارتی روپے) کی انعامی رقم دی گئی۔فائنل مقابلہ انتہائی سخت اور سنسنی خیز ثابت ہوا۔ مقررہ 90 منٹ میں دونوں ٹیمیں کوئی بھی گول کرنے میں ناکام رہیں، جس کے بعد میچ اضافی وقت میں داخل ہوا۔ اضافی وقت کے 106ویں منٹ میں اسپین کے اسٹار فارورڈ فیران ٹوریس نے فیصلہ کن گول داغ کر اپنی ٹیم کو برتری دلائی، جو آخر تک برقرار رہی۔ اسی واحد گول کی بدولت اسپین نے ارجنٹینا کو شکست دے کر 16 سال بعد ایک بار پھر فیفا ورلڈ کپ کی ٹرافی اپنے نام کر لی۔
اسپین نے اس سے قبل 2010 میں پہلی مرتبہ عالمی کپ جیتا تھا اور اب 2026 میں دوسری بار دنیا کی بہترین فٹبال ٹیم ہونے کا اعزاز حاصل کیا ہے۔ پورے ٹورنامنٹ میں اسپین کا دفاع غیر معمولی طور پر مضبوط رہا اور ٹیم نے تمام میچوں کے دوران صرف ایک گول کھایا، جو اس کی دفاعی برتری کا واضح ثبوت ہے۔انفرادی اعزازات میں بھی اسپین کا غلبہ برقرار رہا۔ ٹیم کے مڈفیلڈر روڈری کو پورے ٹورنامنٹ کا بہترین کھلاڑی قرار دیتے ہوئے باوقار “گولڈن بال” ایوارڈ سے نوازا گیا۔ ان کی شاندار کارکردگی نے اسپین کی کامیابی میں کلیدی کردار ادا کیا اور انہیں ورلڈ کپ 2026 کے نمایاں ترین کھلاڑیوں میں شامل کر دیا۔ اسپین کی یہ تاریخی فتح نہ صرف اس کے شائقین کے لیے یادگار لمحہ بن گئی بلکہ عالمی فٹبال میں اس کی نئی حکمرانی کا بھی اعلان ثابت ہوئی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
