ایس آر ایچ کے کپتان پیٹ کمنز نے ٹاس جیتنے کے بعد کہا،’’ہم پہلے بولنگ کریں گے۔ مجھے لگتا ہے کہ ہم نے حالیہ دنوں میں اچھی کرکٹ کھیلی ہے۔ ہم اپنی بولنگ کو سادہ رکھنے کی کوشش کریں گے اور مخالف ٹیم کو ان کی طاقت کے مطابق کھیلنے دیں گے۔ میرا خیال ہے کہ ہم دباؤ کو لے کر پریشان نہیں ہیں۔ ہنگے ٹیم میں واپس آ گئے ہیں۔‘‘
آر آر کے کپتان ریان پراگ نے کہا، ’’ہم بھی پہلے بولنگ ہی کرتے کیونکہ اس گراؤنڈ پر ہدف کا تعاقب کرنا آسان ہے۔ ہم نے چیز بھی کیا ہے اور ہدف کا دفاع بھی کیا ہے۔ میں کھیلنے کے لیے مکمل فٹ نہیں ہوں۔ ابھی ہمارے پاس جیتنے کے علاوہ کوئی دوسرا راستہ نہیں ہے۔ اگر ہم اپنی صلاحیت کے مطابق کھیلیں تو میں ٹیم کی کارکردگی سے مطمئن ہوں۔ جڈو پلیئنگ الیون میں واپس آ گئے ہیں۔ دوبے امپیکٹ پلیئر ہیں۔‘‘
لیگ مرحلے میں سن رائزرس حیدرآباد نے 14 میچوں میں 9 جیت کے ساتھ 18 پوائنٹس حاصل کرتے ہوئے تیسری پوزیشن حاصل کی تھی۔ جبکہ راجستھان رائلز نے 14 میچوں میں 8 فتوحات کے ساتھ چوتھے مقام پر رہتے ہوئے پلے آف کے لیے کوالیفائی کیا تھا۔لیگ مرحلے میں دونوں ٹیموں کے درمیان کھیلے گئے میچوں میں ایس آر ایچ کا پلڑا بھاری رہا تھا۔ سن رائزرس نے دونوں میچ جیتے تھے۔ پہلے میچ میں ایس آر ایچ نے 57 رنز سے کامیابی حاصل کی تھی، جبکہ دوسرے میچ میں 5 وکٹوں سے فتح اپنے نام کی تھی۔ایسے میں راجستھان رائلز کے پاس ایس آر ایچ کے خلاف جیت حاصل کر کے لیگ مرحلے کی شکست کا بدلہ لینے اور دوسرے کوالیفائر میں پہنچنے کا موقع ہے۔ دوسری جانب سن رائزرس حیدرآباد راجستھان کے خلاف اپنی جیت کی رفتار برقرار رکھنا چاہے گی۔
راجستھان رائلز پلیئنگ الیون:
یشسوی جیسوال، ویبھو سوریہ ونشی، دھرو جورل (وکٹ کیپر)، ریان پراگ (کپتان)، ڈونووَن فریرا، داسن شناکا، رویندر جڈیجا، جوفرا آرچر، ناندرے برگر، برجیش شرما، یشراج پُنجا۔
سن رائزرس حیدرآباد پلیئنگ الیون:
ابھیشیک شرما، ٹریوس ہیڈ، ایشان کشن (وکٹ کیپر)، ہینرک کلاسن، سمرن روی چندرن، نتیش کمار ریڈی، پیٹ کمنز (کپتان)، شیوانگ کمار، ایشان ملنگا، ساکب حسین، پرفل ہنگے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
