وزیر اعظم نریندر مودی ہفتہ کے روز دو روزہ سرکاری دورے پر ملیشیا کے دارالحکومت کوالالمپور پہنچے، جہاں ہوائی اڈے پر ملیشیا کے وزیراعظم انور ابراہیم نے ان کا پُرتپاک استقبال کیا۔ اس دورے کا مقصد بھارت اور ملیشیا کے درمیان دوطرفہ تعلقات کو مزید مستحکم کرنا اور
دونوں ممالک کی جامع اسٹریٹجک شراکت داری کو نئی بلندیوں تک لے جانا ہے۔ہوائی اڈے پر استقبال کے دوران بچوں نے بھارتی ترنگا اور ملیشیائی پرچم تھام کر وزیر اعظم مودی کا خیرمقدم کیا، جس سے دونوں ممالک کے درمیان عوامی سطح پر قریبی رشتوں کی جھلک نظر آئی۔
Landed in Kuala Lumpur.
Deeply touched by the warm welcome extended by my friend, Prime Minister Anwar Ibrahim at the airport. I look forward to our conversations and to further strengthening the bonds of friendship between India and Malaysia.@anwaribrahim pic.twitter.com/z3NLyv4QGW
— Narendra Modi (@narendramodi) February 7, 2026
کوالالمپور روانگی سے قبل وزیر اعظم مودی نے کہا تھا کہ ان کا یہ دورہ دفاع اور سلامتی کے شعبوں میں باہمی تعاون کو گہرا کرنے کے ساتھ ساتھ اقتصادی اوراختراعی شراکت داری کو فروغ دینے پر مرکوز ہوگا۔ انہوں نے اس بات پر زور دیا کہ بھارت اور ملیشیا کے تعلقات گزشتہ برسوں میں مسلسل مضبوط ہوئے ہیں اور اب انہیں مزید وسعت دینے کا موقع ہے۔
Kuala Lumpur: Malaysian Prime Minister Anwar Ibrahim receives Prime Minister Narendra Modi at the airport pic.twitter.com/D2WllghIad
— IANS (@ians_india) February 7, 2026
یہ وزیر اعظم مودی کا ملیشیا کا تیسرا دورہ ہے اور اگست 2024 میں بھارت اور ملیشیا کے تعلقات کو جامع اسٹریٹجک شراکت داری کا درجہ دیے جانے کے بعد یہ ان کا پہلا دورہ ہے۔ اپنے روانگی بیان میں وزیر اعظم نے کہا کہ بھارت اور ملیشیا کے تاریخی تعلقات نے حالیہ برسوں میں نمایاں پیش رفت دیکھی ہے اور وہ وزیر اعظم انور ابراہیم کے ساتھ بات چیت کے منتظر ہیں تاکہ شراکت داری کو مزید مضبوط بنایا جا سکے۔ انہوں نے کہا کہ دونوں ممالک دفاع اور سلامتی کے تعاون کو مضبوط کرنے، اقتصادی اور اختراعی شراکت داری کو وسعت دینے اور نئے شعبوں میں باہمی اشتراک کو فروغ دینے کی سمت کام کریں گے۔
Celebrating the India-Malaysia people-to-people connect!
PM Anwar Ibrahim and I are heading to the community programme in Kuala Lumpur.@anwaribrahim pic.twitter.com/wkMCYuatB6
— Narendra Modi (@narendramodi) February 7, 2026
وزیراعظم مودی نے ملیشیا میں مقیم بھارتی برادری سے ملاقات کی خواہش کا بھی اظہار کیا اور اسے دونوں ممالک کے درمیان ایک زندہ پل قرار دیا۔ انہوں نے کہا کہ تقریباً تیس لاکھ کی تعداد میں موجود بھارتی نژاد افراد دنیا کی بڑی بھارتی برادریوں میں سے ایک ہیں، جو ملیشیا کی ترقی میں نمایاں کردار ادا کر رہے ہیں اور دونوں ممالک کی دوستی کی مضبوط بنیاد ہیں۔ وزارت خارجہ کے مطابق وزیر اعظم مودی اپنے دورے کے دوران ملیشیا کے وزیر اعظم کے ساتھ دوطرفہ بات چیت کریں گے، بھارتی برادری سے ملاقات کریں گے اور صنعت و کاروباری نمائندوں سے بھی تبادلہ خیال کریں گے۔ اسی دوران دسویں بھارت میشیا سی ای او فورم کا انعقاد بھی کیا جائے گا، جو اقتصادی تعاون کو مزید فروغ دینے میں اہم ثابت ہوگا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
