لوک سبھا میں قائدِ حزبِ اختلاف راہل گاندھی ہفتہ کو مدھیہ پردیش کے شہر اندور کے دورے پر پہنچے۔ اپنے دورے کے آغاز میں وہ سب سے پہلے بمبئی اسپتال گئے، جہاں گندے اور آلودہ پانی کے باعث بیمار پڑنے والے چار مریضوں سے ملاقات کی۔ راہل گاندھی نے مریضوں کا حال دریافت کیا اور ان کے اہلِ خانہ سے بھی بات چیت کی۔ اس کے بعد وہ آلودہ پانی سے متاثرہ علاقہ بھاگیرتھ پورہ پہنچے، جہاں متاثرین اور ان کے خاندانوں سے ملاقات کی۔ بامبے اسپتال سے بھاگیرتھ پورہ پہنچے راہل گاندھی نے اعلان کیا کہ وہ مرنے والوں کے لواحقین کو ایک ایک لاکھ روپے دیں گے۔راہل گاندھی کے ساتھ اس موقع پر اسمبلی میں قائدِ حزب اختلاف اُمنگ سنگھار، مدھیہ پردیش کانگریس کے صدر جیتو پٹوارى اور ریاستی انچارج ہریش چودھری بھی موجود رہے۔ کانگریس رہنماؤں نے متاثرہ لوگوں کے مسائل سنے اور حکومت سے فوری اور مؤثر اقدامات کا مطالبہ کیا۔
#WATCH | Indore, MP | Lok Sabha LoP and Congress MP Rahul Gandhi visits the Bombay Hospital to meet the victims of water contamination and their families. pic.twitter.com/462eURpvHe
— ANI (@ANI) January 17, 2026
اس سے قبل جمعہ کو مدھیہ پردیش کانگریس کے صدر جیتو پٹوارى نے دعویٰ کیا تھا کہ بھاگیرتھ پورہ میں آلودہ پینے کے پانی کی وجہ سے اب تک 24 افراد کی موت ہو چکی ہے، جب کہ 8 سے 10 مریضوں کی حالت نہایت تشویشناک بنی ہوئی ہے۔ انہوں نے بتایا تھا کہ راہل گاندھی اندور پہنچ کر اسپتال میں زیرِ علاج مریضوں سے ملاقات کریں گے اور ان کی صحت کے بارے میں معلومات حاصل کریں گے۔جیتو پٹوارى نے کہا کہ کانگریس آلودہ پینے کے پانی کے مسئلے کے مستقل حل کے لیے ایک مثبت اور سنجیدہ مکالمہ چاہتی تھی۔ ان کے مطابق راہل گاندھی کی موجودگی میں دانشوروں، ماہرینِ ماحولیات اور ریاست بھر کے میونسپل کارپوریشن کونسلروں کی ایک کانفرنس منعقد کرنے کا منصوبہ تھا، لیکن انتظامیہ کی جانب سے اجازت نہ ملنے کے باعث یہ کانفرنس فی الحال مؤخر کر دی گئی ہے۔ انہوں نے دعویٰ کیا کہ ریاست کے تقریباً 70 فیصد پانی میں آلودگی ہے، جو پینے کے قابل نہیں، اور اسے ’’سست زہر‘‘ قرار دیا۔
VIDEO | Madhya Pradesh: Congress MP Rahul Gandhi (@RahulGandhi) arrives at Bhagirathpura to meet families affected by the vomiting and diarrhoea outbreak linked to water contamination.
(Full video available on PTI Videos – https://t.co/n147TvrpG7)#MadhyaPradesh #Bhagirathpura pic.twitter.com/zQbuwYbtUI
— Press Trust of India (@PTI_News) January 17, 2026
دوسری جانب اموات کے اعداد و شمار پر متضاد دعووں کے درمیان ریاستی حکومت نے مدھیہ پردیش ہائی کورٹ کی اندور بنچ میں پیش کی گئی صورتحال رپورٹ میں بتایا ہے کہ الٹی اور دست کے پھیلاؤ کے دوران ایک پانچ ماہ کے بچے سمیت سات افراد کی موت ہوئی ہے۔ اسی دوران سرکاری مہاتما گاندھی اسمرتی میڈیکل کالج کی ایک کمیٹی کی ’ڈیتھ آڈٹ‘ رپورٹ میں اشارہ دیا گیا ہے کہ بھاگیرتھ پورہ میں 15 اموات کسی نہ کسی طرح اس وبا سے جڑی ہو سکتی ہیں۔انتظامیہ کے مطابق، الٹی اور دست کے پھیلاؤ کے بعد جان گنوانے والے 21 افراد کے اہلِ خانہ کو فی کس دو لاکھ روپے کا معاوضہ دیا گیا ہے۔ حکام کا کہنا ہے کہ کچھ اموات دیگر بیماریوں یا وجوہات کی بنا پر ہوئیں، تاہم انسانی بنیادوں پر تمام متاثرہ خاندانوں کو مالی مدد فراہم کی جا رہی ہے
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
