![](https://urdu.bharatexpress.com/wp-content/uploads/2023/04/Amrit-pal-singh-2.jpg)
امرت پال نے جیل سے لکھا خط، میرے حوصلے نہیں ہوئے کم ، امرت پال اپنے چچا اور بھائی سے بھی ملے
Amritpal Singh: پنجاب میں پولیس کے سامنے سرنڈر کرنے والا خالصتان کے حامی امرت پال کی اب آسام کے ڈبرگڑھ جیل میں قید ہے۔ لیکن وہ وہاں بھی خاموش نہیں بیٹھ رہا ہے۔ امرت پال نے جیل کے اندر اپنے وکیل بھگونت سنگھ سیالکا کو گورمکھی میں لکھا ایک خط دیا ہے ، جس میں انہوں نے کہا – ایشور کی مہربانی سے، میں یہاں بھی توانائی سے بھرا ہوا ہوں اور پر امید ہوں۔
اپنی تنظیم کے ارکان کے خلاف درج مقدمات کا حوالہ دیتے ہوئے، امرت پال نے پنجاب حکومت پر سکھوں کے خلاف “متعدد فرضی مقدمات” درج کرنے کا الزام لگایا۔ ایس جی پی سی نے الزام لگایا ہے کہ سیاسی فائدے کے لیے امرت پال اور ‘وارس پنجاب دے’ تنظیم کے دیگر اراکین کے خلاف کارروائی کی گئی۔
امرت پال سنگھ سمیت 10 ملزمان کے اہل خانہ نے جمعرات کو ملاقات کی ہے جنہیں قومی سلامتی ایکٹ (این ایس اے) کے نفاذ کے بعد ڈبرو گڑھ جیل بھیج دیا گیا تھا۔
تمام لوگوں کے خلاف NSA کے تحت مقدمہ درج
ایک اہلکار نے بتایا کہ پنجاب اور ہریانہ ہائی کورٹ نے گرفتار افراد کے خاندان کے ایک فرد کو ان سے ملنے کی اجازت دی تھی۔ ساتھ ہی ان کے دوسرے وکیل سمرن جیت سنگھ نے کہا کہ گرفتار لوگوں کے خلاف قومی سلامتی ایکٹ کے تحت مقدمہ درج کیا گیا ہے، ان سب کے خلاف ایک جیسے الزامات ہیں۔ انہوں نے کہا کہ ان کے کیسز سے متعلق معاہدہ بھی وہی ہے اور یہ ‘ناممکن’ لگتا ہے۔ یہ یقینی طور پر ایک سازش ہے کیونکہ انہیں این ایس اے کے تحت معاملہ درج کرنے کی کوئی وجہ نہیں ہے۔
آل انڈیا اینٹی ٹیررسٹ فرنٹ کے چیئرمین منیندر جیت سنگھ بٹا نے کہا کہ پنجاب میں امرت پال سنگھ کی گرفتاری صحیح وقت پر ہوئی ہے۔ اس نے صرف امریکہ سے فنڈ حاصل کرنے کے لیے پنجاب کا ماحول خراب کرنے کی کوشش کی ہے اور سکھوں کو بھی بدنام کرنے کی کوشش کررہا ہے۔
پنجاب پولیس نے امرت پال سنگھ کو گرفتار کرتے ہوئے بہت ہی تحمل کا مظاہرہ کیا ہے ۔ کسی قسم کی کوئی خلاف ورزی نہیں ہوئی۔ پولیس نے اسے گوردوارہ صاحب کے باہر رہتے ہوئے گرفتار کیا ہے جو کہ ایک قابل ستائش قدم ہے۔
-بھارت ایکسپریس