PM Modi’s praise for Kannada pride: ریڈیو پروگرام ’من کی بات‘ میں پی ایم مودی نے کہا- کنڑ کی سرزمین اور زبان ہمارا فخر، بی جے پی نے کانگریس پر لگایا کنڑ وقار کو نقصان پہنچانے کا الزام

نئی دہلی: وزیر اعظم نریندر مودی نے اپنے 129ویں ریڈیو پروگرام ’من کی بات‘ میں بھارت کی لسانی اور ثقافتی وراثت کے تحفظ کی اہمیت پر تفصیل سے بات کی اور کنڑ زبان کے فروغ کے لیے کی جانے والی کوششوں کی تعریف کی۔ وزیر اعظم مودی نے کہا کہ ثقافت سے جڑے رہنے کی کوشش صرف بھارت تک محدود نہیں ہے، بلکہ بیرونِ ملک مقیم بھارتی بھی اپنی وراثت کے تحفظ میں فعال کردار ادا کر رہے ہیں۔

دبئی میں رہنے والے کنڑ بولنے والے خاندانوں کی مثال دیتے ہوئے انہوں نے کہا، ’’وہاں رہنے والے خاندانوں نے خود سے ایک اہم سوال پوچھا، ’’ہمارے بچے ٹیکنالوجی کی دنیا میں آگے بڑھ رہے ہیں، لیکن کیا وہ اپنی زبان سے دور نہیں ہو رہے؟ اسی سوچ سے ’کنڑ پاٹھ شالہ‘ کا آغاز ہوا۔ یہ ایک ایسا اقدام ہے جہاں بچوں کو کنڑ پڑھنا، لکھنا، سیکھنا اور بولنا سکھایا جاتا ہے۔ آج اس سے ایک ہزار سے زیادہ بچے وابستہ ہیں۔ واقعی، ’کنڑ ناڈو، نوڈی نمّا ہیمّے‘ (یعنی کنڑ کی سرزمین اور زبان ہمارا فخر ہیں)۔‘‘

کنڑ زبان اور کنڑ عوام کی جانب سے اپنی وراثت کے تحفظ پر وزیر اعظم کی اس تعریف نے ریاست کے باشندوں کو بے حد خوش اور پرجوش کر دیا ہے۔ لوگوں نے اسے اپنے حوصلے اور حوصلہ افزائی میں اضافے کا سبب قرار دیا ہے۔

دوسری جانب، سیاسی حلقوں میں کانگریس پر کنڑ وقار کو نقصان پہنچانے کے الزامات بھی شدت اختیار کر گئے ہیں۔ بی جے پی لیڈران نے کانگریس جنرل سیکریٹری کے سی وینوگوپال اور پارٹی کی مرکزی قیادت پر الزام لگایا ہے کہ ان کے طرزِ عمل اور فیصلے کرناٹک کی منتخب قیادت اور کنڑ عوام کے وقار کو ٹھیس پہنچا رہے ہیں۔

بی جے پی کا کہنا ہے کہ جہاں ایک طرف وزیر اعظم مودی کنڑ زبان، ثقافت اور شناخت کے احترام کی بات کر رہے ہیں، وہیں کانگریس کی ہائی کمانڈ کلچر ریاست کی خودمختاری اور کنڑ عوام کے جذبات کو مجروح کر رہا ہے۔ پارٹی لیڈران کے مطابق، دہلی میں بیٹھ کر کرناٹک کے معاملات میں مداخلت کرنا کنڑ عوام کی توہین کے مترادف ہے۔

بھارت ایکسپریس۔