(تصویر/اے این آئی)
پٹنہ (بہار): بہار اسمبلی انتخابات کے دوسرے مرحلے میں ووٹروں نے جمہوریت کا بھرپور مظاہرہ کرتے ہوئے شام 5 بجے تک 67.14 فیصد کی شاندار پولنگ درج کروائی۔ الیکشن کمیشن آف انڈیا کے مطابق یہ شرح پہلے مرحلے کے مقابلے میں بھی زیادہ ہے، جس نے ریاست میں انتخابی جوش کی نئی تاریخ رقم کی ہے۔ انتخابی کمیشن کے اعداد و شمار کے مطابق، دوسرے مرحلے میں سب سے زیادہ ووٹنگ کشن گنج ضلع میں 76.26 فیصد رہی۔ اس کے بعد کٹیہار میں 75.23 فیصد، پورنیہ میں 73.79 فیصد، سپول میں 70.69 فیصد، مشرقی چمپارن میں 69.02 فیصد اور بانکا میں 68.91 فیصد ووٹنگ ریکارڈ کی گئی۔
دوسری طرف، نوادہ ضلع میں سب سے کم یعنی 57.11 فیصد پولنگ درج ہوئی۔ دیگر اضلاع میں بھی ووٹروں نے بھرپور حصہ لیا، جن میں ارریہ 67.79 فیصد، ارول 63.06 فیصد، اورنگ آباد 64.48 فیصد، بھاگلپور 66.03 فیصد، جہان آباد 64.36 فیصد، کیمور (بھبوا) 67.22 فیصد، مغربی چمپارن 69.02 فیصد اور گیا 67.50 فیصد شامل ہیں۔ جموئی میں 67.81 فیصد، روہتاس میں 60.09 فیصد، شیوہر میں 67.31 فیصد، سیتامڑھی میں 65.28 فیصد اور مدھوبنی میں 61.79 فیصد ووٹنگ ریکارڈ کی گئی۔
اہم اسمبلی حلقوں میں سپول نے 69.72 فیصد، ساسارام نے 60.97 فیصد، موہنیا نے 68.24 فیصد، کٹمبا نے 62.17 فیصد، گیا ٹاؤن نے 58.43 فیصد، چین پور نے 67.41 فیصد، دھمدہا نے 74.20 فیصد، ہر سدھی نے 70.98 فیصد اور جھنجھارپور نے 57.73 فیصد پولنگ ریکارڈ کی۔ دوسرے مرحلے میں وزیر اعلیٰ نتیش کمار کی کابینہ کے 12 وزیروں کی قسمت کا فیصلہ ہونا ہے۔ ان میں جنتا دل (یونائیٹڈ) کے امیدوار ویجندر یادو (سپول)، لیسی سنگھ (دھمدہا)، جینت کُشواہا (امرپور)، سمیت سنگھ (چکائی)، محمد زماں خان (چین پور) اور شیلا منڈل (فول پراس) شامل ہیں۔
بی جے پی کے وزیروں میں پریم کمار (گیا)، رینو دیوی (بیتیا)، وجے کمار منڈل (سکٹی)، نتیش مشرا (جھنجھارپور)، نیرج ببلو (چھاتاپور) اور کرشن نندن پاسوان (ہر سدھی) میدان میں ہیں۔ قابل ذکر ہے کہ پہلے مرحلے میں ریاست میں 65.08 فیصد کی ریکارڈ پولنگ ہوئی تھی، جو بہار کی انتخابی تاریخ میں سب سے زیادہ تھی۔ ووٹوں کی گنتی 14 نومبر کو کی جائے گی، جس کے بعد ریاست کا نیا سیاسی منظرنامہ واضح ہو جائے گا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
