افغانستان اور پاکستان نے جنگ بندی پر اتفاق کیا۔
دوحہ: قطر کے وزارت خارجہ نے اتوار کے روز اعلان کیا کہ افغانستان اور پاکستان ایک ہفتے سے زائد عرصے تک جاری شدید تصادم کے بعد فوری جنگ بندی پر متفق ہو گئے ہیں۔ اطلاعات کے مطابق، پاکستان نے افغانستان کے رہائشی علاقوں پر حملے کیے، جس میں کئی افراد ہلاک ہوئے۔ حالیہ معاہدے سے قبل 48 گھنٹے کی جنگ بندی ختم ہوتے ہی 18 اکتوبر کو پاکستان نے افغانستان پر حملہ کیا تھا، جس میں تین کرکٹرز سمیت متعدد افراد کی جان چلی گئی تھی۔
تنازعہ حل کرنے میں ناکام رہے ڈونلڈ ٹرمپ
دونوں فریقین کے اس معاہدے کی مذاکراتی ثالثی قطر اور ترکی نے کی۔ امریکی صدر ڈونلڈ ٹرمپ جو سات جنگوں کے خاتمے کا دعویٰ کر چکے ہیں، پاکستان اور افغانستان کے درمیان تنازعہ حل کرنے میں ناکام رہے۔ قطر کے بیان کے مطابق، دونوں ہمسایہ ممالک مستقل امن اور استحکام کو مضبوط بنانے کے لیے ایک نظام قائم کرنے پر بھی متفق ہوئے ہیں۔ اس کے علاوہ، آنے والے دنوں میں جنگ بندی کی مسلسل عملداری کو یقینی بنانے کے لیے پہلے سے مذاکرات مقرر کیے گئے ہیں۔
وزرائے دفاع نے کی مذاکرات کی قیادت
افغانستان اور پاکستان دونوں کے نمائندہ وفود دوحہ میں قطر اور ترکی کی ثالثی میں مذاکرات کے لیے موجود تھے۔ مذاکرات کی قیادت دونوں ممالک کے وزرائے دفاع نے کی، اور پاکستان نے کہا کہ اس کی توجہ ’افغانستان سے پیدا ہونے والے سرحد پار دہشت گردی کے خاتمے اور سرحد پر امن و استحکام قائم کرنے کے فوری اقدامات‘پر مرکوز ہوگی۔
کب شروع ہوا دونوں کے درمیان تنازعہ
یہ تنازعہ اس وقت شروع ہوا جب پاکستان نے پچھلے ہفتے کابل پر فضائی حملے کیے۔ اسلام آباد اور کابل دونوں نے حالیہ دنوں میں ایک دوسرے پر جارحیت کے الزامات عائد کیے۔ پاکستان نے بار بار دعویٰ کیا کہ دہشت گرد گروہ افغانستان کی سرزمین سے حملے کر رہے ہیں، جبکہ افغانستان نے سرحد پار تشدد کے لیے ذمہ دار کسی بھی عناصر کو پناہ دینے سے سخت انکار کیا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
