گوگل کے سی ای او سندر پچائی نے منگل کوبڑا اعلان کرتے ہوئے بتایا کہ بھارت میں مصنوعی ذہانت (اے آئی) ہب بنایا جائے گا، اس کے لئے گوگل 15 ارب امریکی ڈالر کی سرمایہ کاری بھی کرے گی، سندر پچائی نے بتایا کہ انہوں نے اس سلسلے میں پی ایم مودی سے بات بھی کی ہے، ایک خاص پلان کے ساتھ آندھرا پردیش کے شہر وشاکھاپٹنم میں قائم کیا جائے گا۔ یہ مرکز امریکہ سے باہر گوگل کا سب سے بڑا اے آئی ہب ہوگا۔ سندر پچائی نے سوشل میڈیا پلیٹ فارم X پر اس بارے میں ایک پوسٹ بھی شیئر کی۔ انہوں نے لکھا، “بھارتی پی ایم نریندر مودی کے ساتھ بات کرنا ایک شاندار تجربہ تھا۔ ہم نے وشاکھاپٹنم میں بنائے جانے والے گوگل کے پہلے AI مرکز کے منصوبے شیئر کیے ہیں۔ یہ ایک تاریخی قدم ہو گا۔ اس مرکز میں گیگا واٹ پیمانے پر کمپیوٹنگ کی صلاحیت، ایک نئی بین الاقوامی سب سی اسٹرکچر گیٹ وے اور توانائی کے شعبے میں بڑے پیمانے پر شامل ہوں گے۔”
Great to speak with India PM @narendramodi @OfficialINDIAai to share our plans for the first-ever Google AI hub in Visakhapatnam, a landmark development.
This hub combines gigawatt-scale compute capacity, a new international subsea gateway, and large-scale energy infrastructure.…
— Sundar Pichai (@sundarpichai) October 14, 2025
گوگل ہندوستان میں 1,331.85 بلین روپے کی سرمایہ کاری کرے گا
گوگل بھارت میں 15 ارب روپے کی سرمایہ کاری کرنے کا منصوبہ بنا رہا ہے۔ یہ ملک کے لیے کسی جیک پاٹ سے کم نہیں۔ اس سے ہندوستان کو کافی فائدہ ہوگا۔ یہ 15 بلین، ہندوستانی کرنسی میں اگر آپ حساب لگایں تو یہ 1,331.85 بلین بنتے ہیں۔ گوگل نے بتایا کہ وشاکھاپٹنم میں بنایا جانے والا گیگاواٹ اسکیل ہب دنیا کے 12 ممالک میں موجود گوگل کے اے آئی مراکز کے عالمی نیٹ ورک کا حصہ ہوگا۔ اس موقع پر گوگل کلاؤڈ کے سربراہ تھامس کوریئن نے خطاب کرتے ہوئے کہا: “یہ امریکہ سے باہر گوگل کا سب سے بڑا اے آئی ہب ہے، جس میں ہم سرمایہ کاری کرنے جا رہے ہیں۔ اس کے لیے آئندہ پانچ برسوں میں 15 ارب ڈالر کی سرمایہ کاری کی جائے گی۔”
انہوں نے مزید کہا کہ ہم آج کے دن پر فخر محسوس کرتے ہیں۔ گوگل کو بھارت میں کام کرتے ہوئے 21 سال ہو چکے ہیں۔ ہمارے بھارت میں پانچ مقامات پر 14 ہزار ملازمین کام کر رہے ہیں۔ ہم نے یہاں کئی سال قبل اپنی کلاؤڈ سروسز کا آغاز کیا اور اب نئی دہلی اور ممبئی میں دو ڈیٹا ریجنز بھی قائم کر چکے ہیں۔ ساتھ ہی ہم یہاں اپنے ڈیوائسز کی تیاری بھی کرتے ہیں۔”تھامس کوریئن کے مطابق، وشاکھاپٹنم کا نیا ہب کئی گیگاواٹس کی صلاحیت حاصل کرے گا اورعالمی سطح پر رابطوں کا مرکز بنے گا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
