وزیر اعظم نریندر مودی نے آج مشہور گلوکار زُبین گرگ کے اچانک انتقال پر گہرے رنج و غم کا اظہار کیا ہے۔ سوشل میڈیا پلیٹ فارم ’ایکس‘ پر اپنے تعزیتی پیغام میں وزیر اعظم نے زُبین گرگ کو موسیقی کے شعبے میں ان کی گراں قدر خدمات پر خراج عقیدت پیش کیا۔ وزیر اعظم نے اپنے پیغام میں لکھا کہ ’’مقبول گلوکار زُبین گرگ کے اچانک انتقال سے صدمے میں ہوں۔ وہ اپنی موسیقی کے ذریعے ہمیشہ یاد رکھے جائیں گے۔ ان کے گیت ہر طبقے کے لوگوں میں بے حد مقبول تھے۔ ان کے اہلِ خانہ اور چاہنے والوں سے تعزیت۔ اوم شانتی۔‘‘
Shocked by the sudden demise of popular singer Zubeen Garg. He will be remembered for his rich contribution to music. His renditions were very popular among people across all walks of life. Condolences to his family and admirers. Om Shanti.
— Narendra Modi (@narendramodi) September 19, 2025
واضح رہے کہ سنگاپور میں اسکوبا ڈائیونگ کے درمیان ہونے والے ایک المناک حادثے میں 52 سالہ زُبین کی موت ہوئی۔ اطلاعات کے مطابق انھیں سمندر سے نکالا گیا اور قریبی اسپتال لے جایا گیا، لیکن ڈاکٹرز نے انھیں مردہ قرار دیا۔ وہ نارتھ ایسٹ فیسٹیول میں شرکت اور پرفارم کرنے کے لیے سنگاپور گئے ہوئے تھے۔
زُبین گرگ شمال مشرقی بھارت، بالخصوص آسام میں ایک نمایاں موسیقار، گلوکار اور نغمہ نگار کے طور پر جانے جاتے تھے۔ انھوں نے ہندوستان کی کئی زبانوں میں گانے گائے اور بھارت کی فلمی اور علاقائی موسیقی میں ایک منفرد مقام حاصل کیا۔ وزیر اعظم کی جانب سے یہ تعزیتی پیغام اس بات کی علامت ہے کہ زُبین گرگ کی فنی خدمات نہ صرف علاقائی بلکہ قومی سطح پر بھی قدر کی نگاہ سے دیکھی جاتی تھیں۔ ان کا انتقال بھارتی موسیقی کے منظرنامے کے لیے ایک بڑا نقصان تصور کیا جا رہا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
