پی ایم نریندر مودی سربراہی اجلاس میں شرکت کے لیے جاپان پہنچ گئے ہیں۔ ٹوکیو کے ہانیڈا ایئرپورٹ پر ان کا شاندار استقبال کیا گیا۔ پی ایم مودی 28 اگست کو چین اور جاپان کے دورے پر روانہ ہوئے تھے۔ جاپان روانہ ہونے سے قبل انہوں نے کہا تھا کہ یہ دورہ بھارت کے مفادات کو آگے بڑھانے میں معاون ہوگا، اور ساتھ ہی عالمی امن اور باہمی تعاون کو بھی مضبوط کرے گا۔
Landed in Tokyo. As India and Japan continue to strengthen their developmental cooperation, I look forward to engaging with PM Ishiba and others during this visit, thus providing an opportunity to deepen existing partnerships and explore new avenues of collaboration.… pic.twitter.com/UPwrHtdz3B
— Narendra Modi (@narendramodi) August 29, 2025
پی ایم مودی دو دن تک جاپان میں قیام کریں گے، جہاں وہ 29 اور 30 اگست کو بھارت اور جاپان کے درمیان ہونے والے سربراہی اجلاس میں شرکت کریں گے۔
جاپان میں پی ایم مودی کا شاندار استقبال
پی ایم نریندر مودی دو روزہ دورے پر جاپان کے شہر ٹوکیو پہنچ گئے ہیں۔ وہاں ان کا روایتی انداز میں شاندار استقبال کیا گیا۔ فنکاروں نے ان کا بھارتی رسم و رواج اور روایت کے مطابق پرتپاک خیرمقدم کیا۔
Over the next few days, will be in Japan and China to attend various bilateral and multilateral programmes. In Japan, will take part in the 15th Annual India-Japan Summit and hold talks with PM Shigeru Ishiba. The focus would be on deepening our Special Strategic and Global…
— Narendra Modi (@narendramodi) August 28, 2025
جاپان کے بعد پی ایم مودی چین روانہ ہوں گے
جاپان کے دورے کے بعد پی ایم مودی چین روانہ ہوں گے، جہاں وہ تیانجن میں ہونے والے شنگھائی تعاون تنظیم (SCO) کے سالانہ اجلاس میں شرکت کریں گے۔
پی ایم مودی نے جاپان روانگی سے قبل شنگھائی تعاون تنظیم سے متعلق بھی اپنے خیالات کا اظہار کیا۔ انہوں نے کہا کہ وہ SCO اجلاس کے دوران چینی صدر شی جن پنگ اور روسی صدر ولادیمیر پوتن سے ملاقات کے لیے پُرجوش ہیں۔
#WATCH | Japan | Prime Minister Narendra Modi witnesses a cultural performance as he arrives at a hotel in Tokyo.
(Source: DD News) pic.twitter.com/0neV3QEp8q
— ANI (@ANI) August 29, 2025
دورے کا مقصد عالمی شراکت داری کو فروغ دینا ہے
جاپان میں پی ایم مودی جاپانی وزیراعظم شیگیرو ایشیبا کے ساتھ سربراہی مذاکرات کریں گے۔ اس حوالے سے مودی نے کہا کہ بھارت اور جاپان کی توجہ اپنی عالمی شراکت داری کو نئی بلندیوں تک لے جانے پر ہے، جس میں گزشتہ 11 برسوں میں نمایاں ترقی ہوئی ہے۔
سرمایہ کاری اور سیمی کنڈکٹر کے شعبے میں تعاون پر زور
اپنے جاپان کے دورے کے حوالے سے پی ایم مودی نے کہا کہ ہم باہمی تعاون کو نئی بلندیوں پر لے جانے، اپنے اقتصادی و سرمایہ کاری کے تعلقات کے دائرے اور اہداف کو وسعت دینے، اور مصنوعی ذہانت (AI) اور سیمی کنڈکٹرز سمیت ابھرتی ہوئی ٹیکنالوجیز میں تعاون کو فروغ دینے کی کوشش کریں گے۔
انہوں نے یہ بھی کہا کہ یہ دورہ ہماری تہذیبی رشتوں اور ثقافتی تعلقات کو مضبوط بنانے کا بھی ایک موقع ہے۔
پی ییم مودی 31 اگست سے 1 ستمبر تک چین کے دورے پر رہیں گے، جہاں وہ تیانجن میں شنگھائی تعاون تنظیم کے اجلاس میں حصہ لیں گے۔ اجلاس کے دوران بھارت اور چین کے درمیان کئی اہم امور پر بات چیت کی توقع ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
