گوپال گنج میں شراب اسمگلروں کے حملے میں ہوم گارڈ جوان ہلاک۔
گوپال گنج: شراب پر پابندی والی ریاست بہار میں شراب کے اسمگلر اب بے خوف ہیں۔ شراب کے اسمگلر اب پولیس پر حملہ کرنے سے بھی پیچھے نہیں ہٹ رہے ہیں۔ ایسا ہی ایک معاملہ گوپال گنج ضلع سے سامنے آیا ہے جہاں اسمگلروں کے حملے میں ایک ہوم گارڈ جوان کی موت ہو گئی۔
سپایا انجینئرنگ کالج کے قریب پیش آیا واقعہ
بتایا جا رہا ہے کہ گوپال گنج میں بے خوف شراب اسمگلروں نے ان کا پیچھا کر رہی ایکسائز ڈیپارٹمنٹ کی ٹیم پر حملہ کر دیا۔ شراب اسمگلروں کے اس حملے میں ایک ہوم گارڈ جوان کی موت ہو گئی ہے۔ یہ واقعہ وشمبر پور تھانہ علاقے میں سپایا انجینئرنگ کالج کے قریب پیش آیا۔ ہلاک ہونے والے ہوم گارڈ جوان کی شناخت ابھیشیک کمار شرما کے طور پر کی گئی ہے۔ مہلوک کچائکوٹ تھانہ علاقہ کے بنگال کھڈ کے رہنے والے بادشاہ شرما کا بیٹا بتایا جا رہا ہے۔
حملے میں ابھیشیک کمار کے سر پر لگی چوٹ
معلومات کے مطابق ہفتہ کی صبح تقریباً 4.30 بجے پولیس کو یوپی سے شراب کی ایک بڑی کھیپ پہنچنے کی خفیہ اطلاع ملی تھی۔ اس اطلاع کی بنیاد پر ایکسائز کی ٹیم بلتھری چیک پوسٹ سے چھاپے کے لیے روانہ ہوئی تھی۔ شراب اسمگلروں کا پیچھا کرتے ہوئے ایکسائز ٹیم سپایا پہنچی جہاں اسمگلروں نے ان پر حملہ کردیا۔ حملے کے دوران ہوم گارڈ جوان ابھیشیک کمار شرما کے سر پر چوٹ آئی۔ اس واقعے میں زیادہ خون بہنے سے وہ موقع پر ہی بے ہوش ہو گیا۔
زخمی جوان کو فوری طور پر پہنچایا گیا اسپتال
زخمی ہوم گارڈ جوان کو فوری طور پر علاج کے لیے صدر اسپتال لایا گیا، جہاں ڈاکٹروں نے اسے مردہ قرار دے دیا۔ دوسری جانب مہلوک کے اہل خانہ نے اسے ایک سازش قرار دیتے ہوئے واقعہ کی اعلیٰ سطحی تحقیقات کا مطالبہ کیا ہے۔
’’اسمگلروں کا پیچھا کرتے ہوئے پیش آیا حادثہ‘‘
واقعہ کی اطلاع ملنے پر پہنچے پرہیبیشن سپرنٹنڈنٹ امرتیش کمار نے بتایا کہ یہ حادثہ شراب اسمگلروں کا پیچھا کرتے ہوئے پیش آیا، جس میں ہوم گارڈ جوان ابھیشیک کمار شرما کی موت ہوگئی۔ فی الحال پولیس ٹیم پورے معاملے کی جانچ میں لگی ہوئی ہے۔
بہار میں پہلے بھی ہو چکا ہے اس طرح کا واقعہ
آپ کو بتا دیں کہ اس سے پہلے 30 ستمبر کو ہوم گارڈ جوان بسنت مانجھی کو گوپال گنج کے کچائکوٹ تھانہ علاقے میں ایس ایم ڈی جلال پور کالج کے قریب شراب اسمگلروں نے گولی مار دی تھی۔ اس سے قبل جمعہ کے روز ایک ریٹائرڈ فوجی میجر کو اس کے پڑوسی نے گوپال گنج میں شراب کی فروخت کی مخالفت کرنے پر گولی مار دی تھی جس سے وہ شدید زخمی ہو گئے تھے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
