وزیر اعظم مودی: جموں و کشمیر کے ضلع کشتواڑ میں بادل پھٹنے کے نتیجے میں شدید تباہی ہوئی ہے۔ اس قدرتی آفت میں اب تک 30 سے زائد افراد کی ہلاکت کی تصدیق ہو چکی ہے، جبکہ کئی دیگر افراد شدید زخمی بتائے جا رہے ہیں۔ متاثرہ علاقوں میں امدادی اور بچاؤ کا کام جنگی سطح پر جاری ہے۔
وزیر اعظم نریندر مودی نے اس سانحے پر گہرے رنج و غم کا اظہار کیا ہے۔ انہوں نے جموں و کشمیر کے وزیر اعلیٰ عمر عبداللہ اور لیفٹیننٹ گورنر منوج سنہا سے فون پر بات کرکے حالات کی تفصیل لی۔ وزیر اعظم مودی نے یقین دہانی کرائی کہ مرکزی حکومت ہر ممکن مدد فراہم کرے گی اور متاثرہ خاندانوں کے ساتھ کھڑی ہے۔
وزیر اعلیٰ عمر عبداللہ نے “ایکس” پر دی معلومات
I just received a call from Hon PM @narendramodi Sb. I briefed him about the situation in Kishtwar & the steps being taken by the administration. My government & the people hit by this tragic cloudburst are grateful for his support & all the assistance provided by the Union…
— Omar Abdullah (@OmarAbdullah) August 15, 2025
وزیر اعلیٰ عمر عبداللہ نے سوشل میڈیا پلیٹ فارم “ایکس” پر ایک پوسٹ میں لکھا:”مجھے ابھی ابھی وزیر اعظم نریندر مودی کا فون آیا۔ میں نے انہیں کشتواڑ کی صورتحال اور انتظامیہ کی جانب سے کیے جا رہے اقدامات کے بارے میں بتایا۔ میری حکومت اور اس دلخراش بادل پھٹنے سے متاثرہ عوام ان کے تعاون اور مرکزی حکومت کی طرف سے فراہم کردہ امداد کے لیے شکر گزار ہیں۔”
جمعرات کو وزیر اعظم نے تعزیت کا اظہار کیا تھا
اس سے قبل، جمعرات کے روز وزیر اعظم مودی نے “ایکس” پر ایک پوسٹ میں لکھا تھا:”میری ہمدردیاں اور دعائیں جموں و کشمیر کے کشتواڑ میں بادل پھٹنے اور سیلاب سے متاثرہ تمام لوگوں کے ساتھ ہیں۔ صورتِ حال پر قریبی نظر رکھی جا رہی ہے۔ امدادی و بچاؤ کی کارروائیاں جاری ہیں۔ ضرورت مندوں کو ہر ممکن مدد فراہم کی جائے گی۔”
چشوتی علاقے میں جمعرات کو بادل پھٹا تھا
واضح رہے کہ کشتواڑ کے چشوتی علاقے میں جمعرات کو بادل پھٹنے سے اچانک سیلاب آ گیا۔ یہ واقعہ اُس جگہ پیش آیا جہاں شری مچھیل یاترا کے لیے گاڑیاں کھڑی ہوتی ہیں اور کئی عارضی دکانیں قائم کی گئی تھیں۔ ایڈیشنل ڈپٹی کمشنر (ADC) کشتواڑ کے مطابق، شری مچھیل یاترا اگلی اطلاع تک ملتوی کر دی گئی ہے۔ مقامی پولیس و انتظامیہ کے علاوہ ایس ڈی آر ایف، این ڈی آر ایف اور دیگر ایجنسیاں بڑے پیمانے پر امدادی و بچاؤ کاموں میں مصروف ہیں۔
بھارت ایکسریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
