اکھلیش یادو نے رکن اسمبلی پوجا پال کو سماجوادی پارٹی سے باہر کردیا ہے۔
سماج وادی پارٹی کے قومی صدر اکھلیش یادونے باغی ایم ایل اے پوجا پال کوپارٹی سے نکال دیا ہے۔ یہ اطلاع ایک خط کے ذریعہ دی گئی ہے۔ کوشامبی واقع چیل کی رکن اسمبلی پوجا پال کومخاطب کرکے ایس پی سربراہ کے دستخط والے خط میں لکھا گیا ہے کہ آپ نے پارٹی مخالف سرگرمیاں کی ہیں اورآپ کو وارننگ دینے کے بعد بھی آپ نے مذکورہ سرگرمیاں بند نہیں کیں، جس کی وجہ سے پارٹی کو کافی نقصان اٹھانا پڑا۔ آپ نے جو کام کیا ہے وہ پارٹی مخالف اورسنگین ڈسپلن شکنی ہے۔
اکھلیش یادونے لکھا کہ اس لیے آپ کو سماج وادی پارٹی سے فوری اثرسے معطل کیا جاتا ہے۔ اس کے ساتھ آپ کوسماج وادی پارٹی کے دیگرتمام عہدوں سے بھی برطرف کردیا گیا ہے اوراب آپ سماج وادی پارٹی کے کسی بھی پروگرام/میٹنگ وغیرہ میں شرکت نہیں کریں گی اورنہ ہی آپ کواس کے لئے مدعوکیا جائے گا۔
اب تک چاراراکین اسمبلی معطل
آپ کو بتا دیں کہ اترپردیش اسمبلی کے مانسون اجلاس کے دوران سماج وادی پارٹی (ایس پی) ایم ایل اے پوجا پال نے یوگی حکومت کی لا اینڈ آرڈراورزیرو ٹالرنس پالیسی کی تعریف کی تھی۔ ‘وژن دستاویز 2047’ پربحث کے دوران ایس پی ایم ایل اے پوجا پال نے کہا تھا کہ وزیر اعلیٰ یوگی آدتیہ ناتھ کوان کے شوہرکے قتل کے معاملے میں انصاف ملا اورمافیا عتیق احمد جیسے مجرموں کو سزا دی گئی۔
پوجا پال نے سی ایم یوگی کی تعریف کی
وہیں، ایس پی ایم ایل اے پوجا پال کی طرف سے وزیراعلیٰ یوگی آدتیہ ناتھ کی تعریف پروزیرسنجے نشاد نے کہا، جودل میں ہوتا ہے، باہرآتا ہے، یہ سچ ہے۔ میں اس کے لیے اس کا شکریہ ادا کرتا ہوں۔ آپ کو بتا دیں کہ پوجا پال چوتھی ایم ایل اے ہیں، جنہیں سماجوادی پارٹی نے گزشتہ 1 ماہ کے اندر پارٹی سے باہر کا راستہ دکھایا ہے۔ اس سے پہلے سماجوادی پارٹی نے منوج پانڈے، ابھے سنگھ اورراکیش پرتاپ سنگھ کے خلاف کارروائی کرتے ہوئے انہیں پارٹی سے باہرکا راستہ دکھایا تھا۔
راجیہ سبھا الیکشن میں کی تھی کراس ووٹنگ
پوجا پال کے بغاوتی تیور آج سے نہیں ہیں۔ راجیہ سبھا الیکشن کے دوران جن 7 اراکین اسمبلی نے کراس ووٹنگ کی تھی، ان میں بھی پوجا پال شامل تھیں۔ گزشتہ دنوں اکھلیش یادو سماجوادی پارٹی کے تین اراکین اسمبلی کو پارٹی سے باہر کیا تھا۔ اب ایک اور رکن اسمبلی پوجا پال کے خلاف بھی کارروائی کی گئی ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
