مالے: وزیر اعظم نریندر مودی جمعہ کو اپنی دو ملکی دورے کے دوسرے مرحلے میں مالدیپ کے دارالحکومت مالے پہنچے، جہاں ان کا پُرتپاک استقبال کیا گیا۔ صدر محمد معیزو اور حکومت کے سینئر وزراء نے ہوائی اڈے پر ان کا خیرمقدم کیا۔ وزیراعظم کی آمد پر بھارتی برادری نے ’وندے ماترم‘ اور ’بھارت ماتا کی جے‘ کے نعروں سے ماحول کو گرما دیا، اور ان کے اعزاز میں ایک ثقافتی پروگرام بھی پیش کیا گیا، جسے وزیر اعظم مودی نے صدر معزو کے ہمراہ دیکھا۔
The Prime Minister of India, His Excellency Shri @narendramodi arrives in the Maldives on a state visit, at the invitation of His Excellency President Dr @MMuizzu. This historic visit is Prime Minister Modi’s first visit to the Maldives since assuming his third term, and… pic.twitter.com/5xImYCNxbp
— The President’s Office (@presidencymv) July 25, 2025
بھارتی برادری سے ملاقات
وزیراعظم نے مالدیپ میں مقیم بھارتی برادری سے بھی ملاقات کی، جنہوں نے ان سے ملنے پر خوشی اور جوش کا اظہار کیا۔ شہر مالے کو بھارتی جھنڈوں، رنگ برنگے بینروں اور پوسٹروں سے سجایا گیا، جس سے ماحول میں ایک تہوار جیسا رنگ پیدا ہو گیا۔
آزادی کی 60ویں سالگرہ پر خصوصی مدعو
یہ دورہ مالدیپ کی 60ویں یوم آزادی کی تقریبات کے موقع پر ہو رہا ہے، جس میں وزیراعظم مودی مہمان خصوصی کے طور پر شریک ہوں گے۔ اس موقع پر بھارت اور مالدیپ کے درمیان سفارتی تعلقات کی بھی 60ویں سالگرہ منائی جا رہی ہے۔
باہمی تعلقات میں نئی توانائی
وزیراعظم مودی اور صدر محمد معزو کے درمیان اہم دو طرفہ بات چیت بھی ہوگی، جس میں ترقیاتی امداد، بنیادی ڈھانچے کے منصوبے اور ہنگامی تعاون جیسے اہم شعبوں میں تعاون کو مزید گہرا کرنے پر غور کیا جائے گا۔ مالدیپ صدر کے آفس کی جانب سے ایک بیان میں کہا گیا: وزیراعظم نریندر مودی کا یہ تاریخی دورہ ان کی تیسری مدت اقتدار کے بعد مالدیپ کا پہلا دورہ ہے، جو دونوں ممالک کے درمیان سفارتی تعلقات کی 60 ویں سالگرہ کے موقع پر ہو رہا ہے۔ یہ دورہ نہ صرف سفارتی تعلقات کی ایک مضبوط بنیاد کو ظاہر کرتا ہے بلکہ خطے میں بھارت کی نرم طاقت اور ہمسایہ دوستی کی مثال بھی پیش کرتا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
