اوڈیشہ کے وزیر اعلی موہن چرن ماجھی نے ہفتہ کو نئی دہلی میں وزیر اعظم نریندر مودی سے ملاقات کی۔ اس ملاقات کے دوران انھوں نے ریاست کی ترقی سے متعلق کئی اہم امور پر تبادلۂ خیال کیا۔ پی ایم مودی کے ساتھ سی ایم ماجھی کی یہ ملاقات اوڈیشہ میں ترقیاتی کاموں کو تیز کرنے اور مرکز اور ریاست کے درمیان تعاون کو مضبوط بنانے کے حوالے سے اہم رہی۔
CM of Odisha, Shri @MohanMOdisha, met Prime Minister @narendramodi.@CMO_Odisha pic.twitter.com/CpjuGk0J8Q
— PMO India (@PMOIndia) July 12, 2025
وزیر اعظم سے ملاقات کے بعد وزیر اعلیٰ ماجھی نے سوشل میڈیا پر ایک پوسٹ میں وزیر اعظم کا شکریہ ادا کیا۔ انھوں نے لکھا کہ ’’وزیراعظم نریندر مودی سے ملنا میرے لیے فخر کی بات ہے۔ میں اوڈیشہ کی ترقی کے لیے ان کی مسلسل حمایت اور رہنمائی کے لیے شکر گزار ہوں۔‘‘ انھوں نے مزید بتایا کہ اس ملاقات میں اوڈیشہ کی ترقی کے لیتے روڈ میپ، مستقبل کے منصوبوں اور مرکز اور ریاست کے درمیان بہتر تال میل پر تبادلۂ خیال کیا گیا۔
سی ایم ماجھی نے کہا کہ مرکز اور ریاستی حکومت مل کر ایک خوش حال اوڈیشہ اور ترقی یافتہ ہندوستان کے ہدف کو حاصل کرنے کے لیے پرعزم ہیں۔ میٹنگ میں اوڈیشہ میں جاری اور مجوزہ پروجیکٹوں پر زور دیا گیا۔ اس میٹنگ کے دوران سی ایم ماجھی نے وزیر اعظم مودی کو ریاست میں فلاحی اسکیموں کو تیزی سے نافذ کرنے کے منصوبے کے بارے میں بتایا۔ نیز انھوں نے مرکزی حکومت سے اوڈیشہ کے لیے مزید تعاون کی اپیل کی۔
ଆଜି ମାନନୀୟ ପ୍ରଧାନମନ୍ତ୍ରୀ ଶ୍ରୀ @narendramodi ଙ୍କୁ ସାକ୍ଷାତ କରିବାର ସୌଭାଗ୍ୟ ଲାଭ କଲି । ଓଡ଼ିଶାର ବିକାଶ ପାଇଁ ତାଙ୍କର ପ୍ରେରଣା ଓ ଅତୁଟ ସମର୍ଥନ ନିମନ୍ତେ କୃତଜ୍ଞ । ଏହି ଅବସରରେ ଓଡ଼ିଶାର ବିଭିନ୍ନ ବିକାଶମୂଳକ କାର୍ଯ୍ୟ, ଭବିଷ୍ୟତ କାର୍ଯ୍ୟପନ୍ଥା, କେନ୍ଦ୍ର ରାଜ୍ୟ ସୁସମନ୍ଵୟ ତଥା ରାଜ୍ୟର ସାମଗ୍ରିକ ବିକାଶକୁ ତ୍ୱରାନ୍ୱିତ… pic.twitter.com/DqniUXaKYH
— Mohan Charan Majhi (@MohanMOdisha) July 12, 2025
خوش حالی اور ترقی کے نئے مواقع
وزیر اعظم مودی نے بھی اس ملاقات کے دوران اوڈیشہ کی ترقی کے لیے مرکز کی جانب سے ہر ممکن مدد کا یقین دلایا۔ دونوں لیڈران نے اس بات کو یقینی بنانے پر اتفاق کیا کہ مرکز اور ریاست عوام کی فلاح و بہبود اور ترقی کے لیے مل کر کام کریں گے۔ اس میٹنگ کو اوڈیشہ میں انفراسٹرکچر، تعلیم، صحت اور روزگار جیسے شعبوں میں ترقی کی جانب ایک بڑا قدم قرار دیا جا رہا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
