ملک کے نوجوانوں کو بہتر روزگار کے مواقع فراہم کرنے کے لیے وزیراعظم نریندر مودی نے ہفتہ کو 16ویں روزگار میلہ کے تحت ملک بھر کے 51,000 سے زائد نو منتخب ملازمین کو تقرری نامے (اپوائنٹمنٹ لیٹرز) دیے۔ یہ تقریب صبح 11 بجے ویڈیو کانفرنسنگ کے ذریعے منعقد ہوئی، جس دوران وزیراعظم نریندر مودی نے براہ راست نوجوانوں سے خطاب بھی کیا۔
وزیراعظم نے اپنے خطاب میں کہا کہ نوجوان ملک کا مستقبل ہیں، اور انہیں آگے لا کر ملک کی ترقی میں شمولیت کا موقع دیا جا رہا ہے۔
قابل ذکر ہے کہ 16ویں روزگار میلہ کا انعقاد ملک کے 47 مختلف مقامات پر کیا جا رہا ہے۔ یہ تقرریاں ریلوے، وزارت داخلہ، ڈاک، وزارت صحت و خاندانی بہبود، مالیاتی خدمات، وزارت محنت و روزگار سمیت دیگر اہم مرکزی وزارتوں میں ہو رہی ہیں۔
#WATCH दिल्ली: पीएम नरेंद्र मोदी ने वर्चुअली केंद्र सरकार में चयनित युवाओं को नियुक्ति पत्र जारी किए। https://t.co/ULocOBJkfc pic.twitter.com/j3jffGDNR5
— ANI_HindiNews (@AHindinews) July 12, 2025
دنیا بھر میں بھارت کی نوجوان طاقت کا چرچا – وزیراعظم مودی
#WATCH दिल्ली: प्रधानमंत्री नरेंद्र मोदी ने कहा, “केंद्र सरकार में युवाओं को पक्की नौकरी देने का हमारा अभियान लगातार जारी है। हमारी पहचान भी है बिना पर्ची बिना खर्ची। आज 51000 से अधिक युवाओं को नियुक्ति पत्र दिए गए हैं। ऐसे रोजगार मेलों के माध्यम से अब तक लाखों नौजवानों को भारत… https://t.co/OheKNCXeEg pic.twitter.com/XmpPF2JoAc
— ANI_HindiNews (@AHindinews) July 12, 2025
اس موقع پر خطاب کرتے ہوئے وزیراعظم نریندر مودی نے کہا کہ بھارت کے نوجوانوں کو ملک اور بیرون ملک دونوں جگہ فائدہ ملے گا۔ ملک کا مینوفیکچرنگ سیکٹر تیزی سے بڑھ رہا ہے۔ گزشتہ برسوں میں ‘میک اِن انڈیا’ کو فروغ دیا گیا، اور پی ایل آئی اسکیم کے تحت 11 لاکھ سے زیادہ روزگار کے مواقع پیدا ہوئے۔
آج بھارت میں تقریباً 11 لاکھ کروڑ روپے کی الیکٹرانک مینوفیکچرنگ ہو رہی ہے، اور پچھلے 11 سالوں میں اس میں پانچ گنا سے زیادہ اضافہ ہوا ہے۔
آپریشن سندور کے بعد دفاعی میدان میں بھارت نے نئے ریکارڈ قائم کیے ہیں۔ دفاعی سرمایہ کاری سوا لاکھ کروڑ روپے سے تجاوز کر چکی ہے۔ بھارت دنیا میں سب سے زیادہ لوکوموٹیو بنانے والا ملک بن چکا ہے۔ چاہے ریلوے کوچ ہوں یا میٹرو کوچ، بھارت ان کی ایکسپورٹ بھی کر رہا ہے۔
آٹو موبائل سیکٹر میں تقریباً 40 بلین ڈالر کی ایف ڈی آئی آئی ہے۔ یہ سب کچھ تب ممکن ہوتا ہے جب زیادہ سے زیادہ نوجوانوں کو روزگار ملتا ہے۔ اب ایک سرکاری ملازم کی حیثیت سے آپ کا فرض ہے کہ ملک میں مینوفیکچرنگ سیکٹر کی رفتار کو اور تیز کیا جائے۔ دوسروں کو بھی متحرک کریں۔ آج بھارت دنیا کی تیسری بڑی معیشت بننے کی جانب تیزی سے بڑھ رہا ہے۔
آئی ایل او کی رپورٹ اور سرکاری اسکیموں کا اثر
#WATCH दिल्ली: प्रधानमंत्री नरेंद्र मोदी ने कहा, “आप सभी के विभाग अलग-अलग है लेकिन ध्येय एक है और हमारा एक ही ध्येय है चाहे विभाग कोई भी हो, कार्य कोई भी हो, पद कोई भी हो लेकिन एक ही ध्येय है जो कि राष्ट्र सेवा है। सूत्र एक- नागरिक प्रथम। आपको देश के लोगों की सेवा करने का बहुत… https://t.co/FaeDaXywF0 pic.twitter.com/UTtzI7tjiB
— ANI_HindiNews (@AHindinews) July 12, 2025
وزیراعظم نے مزید کہا کہ حال ہی میں آئی ایل او (انٹرنیشنل لیبر آرگنائزیشن) کی ایک شاندار رپورٹ آئی ہے، جس میں بتایا گیا ہے کہ پچھلے دہائی میں بھارت میں 90 کروڑ سے زیادہ شہریوں کو فلاحی اسکیموں کے دائرے میں لایا گیا ہے۔ اس سے بھی نئے روزگار پیدا ہوئے ہیں۔ مثال کے طور پر ‘پردھان منتری آواس یوجنا’ کے تحت تقریباً 4 کروڑ پکے مکانات بن چکے ہیں، اور 3 کروڑ مزید بننے جا رہے ہیں۔ ان منصوبوں کے ذریعے بھی لاکھوں لوگوں کو روزگار ملا ہے۔
معیار اور انفراسٹرکچر میں بہتری
پی آئی بی کے مطابق مختلف ریاستوں سے چنے گئے یہ نوجوان سرکاری خدمات کے مختلف شعبوں میں کام کریں گے، جس سے سرکاری خدمات کے معیار اور بنیادی ڈھانچے میں بہتری آئے گی۔ اس سے انتظامیہ میں نئی توانائی اور عزم آئے گا، اور یہ یقینی بنایا جائے گا کہ تمام سرکاری محکمے عوام کی ضروریات کو پورا کرنے میں مؤثر ہوں۔
پی آئی بی کے مطابق، وزیراعظم نریندر مودی نے اس ملک گیر روزگار مہم کی شروعات 22 اکتوبر 2022 کو کی تھی۔ یہ حکومت کے “مشن موڈ” نقطہ نظر کا حصہ ہے، جس کا مقصد نئے روزگار کے مواقع پیدا کرنا اور سرکاری اداروں کی صلاحیت کو مضبوط بنانا ہے۔
سرکاری اعداد و شمار کے مطابق، روزگار میلوں کے ذریعے اب تک 10 لاکھ سے زائد تقرری نامے جاری کیے جا چکے ہیں۔ یہ پروگرام حکومت کی اس عزم کی عکاسی کرتا ہے کہ وہ بھارت کے نوجوانوں کی صلاحیت کو بروئے کار لا کر انہیں روزگار اور کیریئر کی ترقی کے مواقع فراہم کرے۔
اس پورے عمل میں اہلیت، شفافیت اور کارکردگی کو خاص اہمیت دی گئی ہے۔
وزیراعظم نے “ایکس” پر دی تھی اطلاع
روزگار میلہ کی اطلاع خود وزیراعظم مودی نے دی تھی۔ انہوں نے سوشل میڈیا پلیٹ فارم ایکس پر ایک پوسٹ میں کہا:
“ترقی یافتہ اور خودانحصار بھارت کی تعمیر میں نوجوان ساتھیوں کی شراکت بڑھانے کے لیے ہم پُرعزم ہیں۔ اسی سلسلے میں کل، 12 جولائی کو صبح 11 بجے ویڈیو کانفرنسنگ کے ذریعے ایک اور روزگار میلے کا حصہ بنوں گا، جس میں ہزاروں نوجوانوں کو تقرری نامے دیے جائیں گے۔”
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
