نمیشا پریا کی پھانسی ٹالنے کے لئے سپریم کورٹ میں 14 جولائی کو سماعت ہوگی۔
Nimisha Priya Supreme Court hearing: یمن میں پھنسی ہندوستانی نرس نمیشا پریا کو 16 جولائی کو پھانسی ہونی ہے۔ اس درمیان سپریم کورٹ نے اس معاملے میں عرضی قبول کرلی ہے۔ سپریم کورٹ سیونمیشا پریا انٹرنیشنل ایکشن کاونسل نامی تنظیم کی عرضی پر 14 جولائی کوسماعت کرے گا۔ عرضی میں پھانسی رکوانے کے لئے ہندوستانی حکومت اور وزارت خارجہ کو فوری احکامات دینے کا مطالبہ کیا گیا ہے۔ نمیشا پریا پریمن میں ایک شہری کے قتل کا الزام ہے۔
بلڈ منی آخری متبادل
درخواست میں مطالبہ کیا گیا ہے کہ حکومت ہند پرزوردیا جائے کہ وہ خون کی رقم کی ادائیگی کے لئے مذاکرات میں سہولت فراہم کرے۔ شرعی قانون کے تحت بلڈ منی ایک قانونی شق ہے، جس کے مطابق مقتول کے خاندان کومعاوضہ دیا جاتا ہے، جس سے مجرم کو دی گئی سزا معاف ہوسکتی ہے۔ درخواست گزارکے وکیل راگن بسنت نے جمعرات کو یہ معاملہ سپریم کورٹ کی ڈبل بنچ کے سامنے پیش کیا۔
پھانسی میں بہت کم وقت ہے باقی
اس دوران راگن بسنت نے کہا کہ پھانسی کی تاریخ کو دیکھتے ہوئے صورتحال کی سنگینی پرغورکیا جانا چاہئے۔ انہوں نے کہا کہ یمن کی عدالت نے نمیشا پریا کی رحم کی درخواست مسترد کردی ہے۔ تاہم عدالت نے بلڈ منی کی تجویزکوکھلا رکھا ہے۔ ایسی صورتحال میں متاثرہ کواس کے گھروالوں سے بات کرکے بچایا جاسکتا ہے۔ اس دوران وکیل نے کہا کہ ابھی بہت کم وقت رہ گیا ہے۔ بنچ نے پیرکو کیس کی سماعت کا مشورہ دیا تھا۔ اس پر وکیل نے کہا کہ کیس کی کارروائی میں لگنے والے وقت کودیکھتے ہوئے اس کیس کی جلد سے جلد سماعت کی جائے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
