وزیر اعظم نریندر مودی نے ’ہول دِوس‘ پر سنتھال انقلاب کے ہیروز کو دل کی گہرائیوں سے خراج عقیدت پیش کیا۔ تاریخی سنتھال بغاوت کو یاد کرتے ہوئے وزیر اعظم مودی نے آزادی پسند جنگجوؤں، سِدو-کانہو، چاند-بھیرو اور پھولو-جھانو کے ساتھ ساتھ دیگر بہادر قبائلی شہداء کی لازوال میراث کو خراج عقیدت پیش کیا، جنھوں نے نوآبادیاتی جبر کے خلاف اپنی جانیں قربان کیں۔
پی ایم مودی نے کہا- ان کی بہادی ملک کو نسل در نسل دیتی رہے گی وطن کی حفاظت کی ترغیب
پی ایم مودی نے سوشل میڈیا پلیٹ فارم ’ایکس‘ پر لکھا کہ ’’ہول دِوس ہمیں ہمارے قبائلی معاشرے کی بے مثال ہمت اور حیرت انگیز بہادری کی یاد دلاتا ہے۔ تاریخی سنتھال انقلاب سے متعلق اس خاص موقع پر میں سِدو-کانہو، چاند-بھیرو اور پھولو-جھانو کو دل کی گہرائیوں سے خراج تحسین پیش کرتا ہوں اور بہادر مرد اور خواتین کو بھی سلام کرتا ہوں، جنھوں نے غیرملکی حکومت کے مظالم کے خلاف لڑتے ہوئے خود کو قربان کر دیا۔ ان کی بہادری کی داستان ملک کی ہر نسل کو مادر وطن کی عزت نفس کی حفاظت کے لیے ترغیب دیتی رہے گی۔‘‘
हूल दिवस हमें अपने आदिवासी समाज के अदम्य साहस और अद्भुत पराक्रम की याद दिलाता है। ऐतिहासिक संथाल क्रांति से जुड़े इस विशेष अवसर पर सिदो-कान्हू, चांद-भैरव और फूलो-झानो के साथ ही उन सभी वीर-वीरांगनाओं का हृदय से नमन और वंदन, जिन्होंने विदेशी हुकूमत के अत्याचार के खिलाफ लड़ते हुए…
— Narendra Modi (@narendramodi) June 30, 2025
دریں اثنا لوک سبھا اسپیکر اوم برلا نے بھی سنتھال انقلاب کے جنگجوؤں کو خراج عقیدت پیش کرتے ہوئے لکھا کہ ’’آج ہول دِوس کے موقع پر ہم ان بہادر قبائلی بھائیوں اور بہنوں کو سلام پیش کرتے ہیں، جنھوں نے نے عظیم سِدو اور کانہو کی قیادت میں تاریخی سنتھال ہول بغاوت کا بگل پھونکا۔۔۔اس بغاوت میں ہزاروں قبائلی بھائیوں نے اپنی جانوں کا نذرانہ پیش کیا۔ ان بہادر شہیدوں کی ہمت اور قربانی کو ہمیشہ یاد رکھا جائے گا۔‘‘
ہر سال 30 جون کو منایا جاتا ’ہول دِوس‘
’ہول دِوس‘ ہر سال 30 جون کو منایا جاتا ہے۔ یہ دن 1855 کی سنتھال ہول بغاوت کی یاد میں منایا جاتا ہے، جو ہندوستان کی آزادی کی جدوجہد کے پہلے بڑے قبائلی بغاوتوں میں سے ایک تھی۔ سن 1855 میں جھارکھنڈ (موجودہ سنتھال پرگنہ خطہ) میں، دو سنتھالی بھائیوں نے برطانوی راج، جاگیرداروں اور ساہوکاروں کے استحصال کے خلاف ایک بڑی عوامی بغاوت برپا کی تھی، جسے ’ہول بغاوت‘ کے نام سے یاد کیا جاتا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
