وزارت دفاع نے اتوار کو آپریشن سندور کے موضوع پر مضمون نویسی کے قومی مقابلے کا اعلان کیا ہے، جس کے لیے یکم سے 30 جون تک مضامین بھیجے جا سکتے ہیں۔ سوشل میڈیا پلیٹ فارم ’ایکس‘ پر ایک پوسٹ میں وزارت نے کہا کہ پہلے، دوسرے اور تیسرے مقام پر آنے والے فاتحین کو 10,000 روپے کا نقد انعام ملے گا۔ ساتھ ہی انھیں دہلی کے لال قلعہ میں 78 ویں یوم آزادی کی تقریبات میں شرکت کا خصوصی موقع بھی دیا جائے گا۔
پاکستان اور پاکستان کے زیر قبضہ کشمیر میں واقع دہشت گردی کے نو انفراسٹرکچر کو تباہ کرنے کے لیے 7 مئی کے اوائل میں آپریشن سندور کا آغاز کیا گیا تھا۔ یہ 22 اپریل کو پہلگام دہشت گردانہ حملے کا بدلہ تھا، جس میں 26 لوگ مارے گئے تھے۔ پاکستانی جارحیت کے خلاف بعد میں ہونے والے تمام جوابی حملے بھی آپریشن سندور کے تحت ہی کیے گئے۔
📢 Ministry of Defence invites young minds to make their voices heard! 🇮🇳✍️
Participate in the MoD & @mygovindia bilingual essay contest on#OperationSindoor – Redefining India’s Policy Against #Terrorism.
🏆 Top 3 winners will receive Rs 10,000 each and get an exclusive chance… pic.twitter.com/p2Kz0l3txG
— Ministry of Defence, Government of India (@SpokespersonMoD) June 1, 2025
نریندر مودی کی زیرقیادت حکومت نے اس کے بعد کہا کہ یہ آپریشن ہندوستان کے انسداد دہشت گردی کے نظریے میں ایک ’’نئی سرخ لکیر‘‘ کی نشان دہی کرتا ہے، جس سے ملکی اور سرحد پار دہشت گردی کے خلاف ملک کے ردعمل میں ملک کا ’’نیا معمول‘‘ قائم ہوا ہے اور یہی ہندوستان کی دہشت گردی کے خلاف نئی پالیسی بھی ہے۔
وزارت دفاع نے ’ایکس‘ پر پوسٹ کرتے ہوئے کہا ’’وزارت دفاع نوجوان ذہنوں کو دعوت دیتی ہے کہ وہ اپنی آوازوں کو سنے جانے کے قابل بنائیں! ’آپریشن سندور ری ڈیفائننگ انڈیاز پالیسی اگینسٹ ٹیررز‘ پر وزارت دفاع اور حکومت ہند کے ذولسانی مضمون نویسے مقابلے میں حصہ لیں۔ مقابلے کی تاریخیں: 1-30 جون 2025۔ فی کس ایک اندراج۔ ہندی یا انگریزی میں ہی مضامین قبول کیے جائیں گے۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
